Үйірменің негізгі мақсаты – білім алушылардың туған халқының тілі мен әдебиетіне деген танымдық қызығушылығын арттыру, мәдени және әдеби мұралары мен өңір мақтанышына айналған тұлғалар туралы білімдерін кеңейту, өскен өңіріне, туған жеріне деген сүйіспеншілікке, отансүйгіштікке тәрбиелеу болып табылады.
Міндеттері:
жергілікті ақын-жазушылардың шығармаларын оқу арқылы эстетикалық көрнекті талғамдарын, туған жерге деген шексіз құрмет сезімін дамыту;
ұлттық болмыстың өзегін сақтау, ұлттық сана-сезімнің көкжиегін кеңейту;
тіліміз бен әдебиетіміз, ұлттық құндылықтарымызды білім алушылардың бойында мәңгі сақтау;
білім алушылардың көркем шығармаларды оқуға, түсінуге өз көзқарасын негіздей отырып үйрену;
адамгершілік қасиеті мен рухани дүниесін байыту болып табылады.
«Әдеби өлкетану» үйірмесінің бағдарламасы 2 жылдық білім беруге бағытталады.Сабақ оқу бағдарламасы 9-12 жас арасындағы мектеп оқушыларына арналған.Үйірме бағдарламасы 1-ші оқу жылына – аптасына
2 рет, 144 сағатқа; 2-ші оқу жылына - аптасына 3 рет, 216 сағатқа есептелген.
