ІІ. Ортаға «Асыл әжелер» ансамблін шақырамыз.
Ән шашу І. Ана дейміз бәріміз де аңқылдап,
Ана дейді жас сәби де жарқылдап.
Ана деген –бәйтерегі өмірдің,
Ана деген –алтын қазық, алтын бақ.
ІІ. Ана десем, шешек атып жанары.
Өмірімнің бастау алар жаңа әні,
Ана деген тіршілікте пана боп,
Әрбір үйде жұлдыз болып жанады.
І. Бүгінгі күн –Ана күні, әлем күні.
Әлемді тербендірер ана үні.
Анасыз жан туған жоқ жер бетінде
Ұғып ал, о, адамдар, сендер мұны.
ІІ. Ана деген –асыл жандар болаттай,
Ана деген -мөлдір жандар бұлақтай.
О,адамдар, қадірлей біл ананы
Жат қылыққа ақыл ойды тонатпай.
І. Ана деген –адамзаттың данасы
Ана деген –сәбилердің панасы.
Ана деген –жарық жұлдыз шырағың,
Ана деген –қайнар ыстық бұлағың.
Ана деген –өмірдегі қамқорың,
Ана деген –сүйенерің, жан құрбың.
Ендеше «Ана деген –алтын қазық, алтын бақ» атты қалалық оқырмандар конференциясын ашық деп жариялаймыз.
ІІ. Алғашқы сөз кезегін мектебіміздің директоры Романова Жания Орынжайқызына береміз.
