Адамзатты ежелден ойландырып, толғандырып келе жатқан, қоғамдық құрылыс өзгеріп жатса да, қажеттілігін жоймайтын маңызды мәселе - жас ұрпақты біліммен қаруландырып, өмір сүруге дайындау. Бұл қиыннның-қиыны. Себебі әр адам – қайталанбас жеке тұлға. Уақыт озған сайын қоғамдағы саяси-әлеуметтік қарым-қатынас дамыған сайын бүкіл дүние жүзінде ұстаздың қызметі қиындай түседі. Ұрпақ тәрбиесі – келешек қоғам тәрбиесі. Сол келешек қоғам иелерін жан-жақты жетілген, ақыл-парасаты мол, мәдени-ғылыми өрісі озық етіп тәрбиелеу – біздің қоғам алдындағы борышымыз.
Бүгінгі ұстаз шәкіртіне мәлімет беріп қана қоймай, оны дүниежүзілік білім, ақпарат, экономика кеңістігіне шығуға, яғни қатаң бәсеке жағдайында өмір сүруге тәрбиелеу керек. Иә, бүгінгі мұғалімнің көп ізденіп, тынымсыз еңбектенуін, сабақ берудің амал-тәсілдерін жетілдіріп отыруды қажет етеді. Сонымен қатар білім сапасын арттыруда жаңа технологиямен тұрақты, жүйелі нәтижелі жұмыс істеу үшін мұғалім сабағына жан-жақты дайындалуы керек. Сондықтан да ұстаздарға жаңаша жұмыс істеуге, шығармашылық еңбегімен оқыту әдістерін жаңа арнаға бұруына, педагогикалық еңбектерін қайта құруына тура келеді. Сол себепті де ұжым мүшелері осы бағытта жұмыстар атқарды. Оның нәтижесі көрініп жатты. Бүгінгі күні бұған дейін қол жеткізген табыстарымызбен іс-тәжірибемізді әрі қарай қалай ұштастырамыз деп еңбек еттік. Өткен күндердегі іс-тәжірибеге көз жүгіртсек, кешегі бүгінге, бүгінгі ертеңге ұқсамайды. Себебі ғылымның дамуы, білім мазмұнының өзгеруі, өмір талабы, оқушы талғамы үнемі өсуде. Сондықтан да алдымызға қойған мақсаттарымызға қол жеткізу үшін үнемі ізденісте жұмыс істеп, берілген тапсырмаларды мұқият орындап, әр атқарған еңбегімізге баға беріп, жіберген кемшіліктеріміз болса соның себебін айқындап, соларды түзету мақсатында жұмыс істеуді өзімізден талап еттік. Соның нәтижесінде білім сапасын 64 пайыздан 69,2 пайызға жеткіздік. Оқу жылының қорытындысы бойынша әр сыныптың білім сапасы төмендегідей көрініс береді:
