Тоқсандық оқушылар қозғалысы туралы мәліметтер жинақталып, келген-кеткен оқушылардың анықтама қағаздары толық алынды. Қозғалыс есебі мен оқушылардың жалпы саны сәйкестендіріліп, жартылай жетім, әлеуметтік жағдайы төмен, көп балалы жанұядан шыққан балалар саны нақтыланып, ауыл әкімімен келісілген тізімдері жасалынды.
Жалпыға бірдей білім беру заңына сәйкес мектеп бойынша 1-9 сынып оқушыларының арасынан жетім, толық емес, аз қамтылған және көп балалы жанұядан шыққан оқушылардың тізімі алынып ауылдық округ әкімімен келісіліп, бекітілді. Мектеп оқушыларының сабаққа қатысуын толық қамтамасыз ету және республикалық «Мектепке жол» акциясын өткізу мақсатында мектепішілік бұйрығы шығарылып, акцияны ұйымдастыру комитеті мен іс-шаралар жоспары құрылып, бекітілді. Акция барысында аз қамтылған отбасыларынан шыққан оқушылардың жаңа оқу жылына дайындығы және оған уақытында қолдау көрсету және әлеуметтік себептермен 1 қыркүйекте мектепке келмей қалудың алдын алу мақсатында мектеп мұғалімдері өздеріне бекітілген шағын аудандарды аралап, рейдтер жүргізді. Рейд нәтижелерінің негізінде әлеуметтік көмек көрсетуді қажет ететін балаларды анықтап, тізім жасалынды.
