Жалпы қарап, объективті зерттеуде, науқас орташа бойлы, гиперстеник, шырышты қабаттары қызғылт түсті, тілі таза. Қол шынтақтары және табандары суық, ылғалды. Кеуде қуысы мүшелерінде өзгерістер жоқ. Іштің пальпациясында эпигастрий аймағында ортаңғы сызықтан оң жақта ауырсыну аймағы анықталды.
Болжам диагноз - асқазанның ойық жарасы.
Зерттеу жоспары:
Жалпы қан анализі,
Жалпы зәр анализі,
Эзофагодуоденоскопия,
Рентгенография.
Лабораторлы және аспаптық зерттеу нәтижелері бойынша:
1. Жалпы қан анализінде:
Гемоглобин төмендеген, анемия,
Эритроциттер азайған, эритроцитопения,
Лейкоциттер көбейген, лейкоцитоз,
ЭТЖ жоғарылаған.
2. Жалпы зәр анализі қалыпты.
3. Эзофагодуоденоскопияда:
Эндоскопиялық зерттеуде асқазанның пилорикалық бөлігінде ойық- жара.
4. Рентгенография:
Рентген әдісімен бұлшықеттердің циркулярлы жиырылуын, ойық тұсындағы жиырылымдардың конвергенциясын анықтадық.
Объективті, лабораторлы және аспаптық тексеру нәтижелеріне сүйене отырып, асқазан ахилиясының органикалық түрі, асқазанның секреторлық қызметінің бұзылу синдромымен сипатталатын асқазанның пилорикалық бөлігіндегі ойық-жара ауруы болжам диагнозы қойылды.
|
09:00
|
16:30
|
4.
|
06.05.20
Ауруханаға 5 жыл бойы созылмалы гломерулонефритпен ауыратын 45 жастағы науқас М. соңғы айда – терісінің бозаруы, аяқ-қолдарындағы көптеген көгерулер, жоғары тітіркенгіштік пайда болуына шағымданды. Жалпы қарап, объективті тексергенде, жағдайы ауыр, сопор, аяқтары терісінің пастоздығы, ауызынан- аммиак иісі шығады. ТАЖ- 18 рет/мин. АД - 160/90 мм с.б.б. Жүрек тондары тұйықталған, ЖЖЖ - 110 рет/мин., аритмия, жүрек ұшында және 5 тыңдау нүктесінде - систолалық шу. Бауыр қабырға доғасынан 3 см-ге шығып тұр. Соңғы тәулікте зәр шығару 1 рет, 180 мл зәр бөлген.
Болжам диагноз – созылмалы гломерулонефрит, бүйрек қызметінің жетіспеушілік синдромы.
|
