№ Блум таксономиясының оқу мақсаттарының негізгі категориялары

Жан-Жак Руссо «Баланың қызығушылығын сақтау үшін оны бірден қанағаттандыруға асықпаңыз. Шамасы келетін сұрақтарды қоя отырып, оған өзі жауап табуға мүмкіндік беріңіз. Бала бірдеңені сіз айтқаннан емес, оны өзі түсінгендіктен, көз жеткізгендіктен білетін болсын. Ол ғылымды жаттау арқылы емес, өзі жасау арқылы білуі тиіс. Егер сіз өзіңіздің беделіңіз арқылы оның ақыл-парасатына араласатын болсаңыз, ол ойланудан қалып, бөгде адамдар пікірінің ойыншығында айналады» деп жазған болатын. Ал өкінішке орай, тәжірибе көптеген мұғалімдердің Руссо айтқан «өзі жасау арқылы білу» қағидасын да, дидактиканың негізгі мақсаты - сабақта әрбір оқушының интеллектуалдық және шығармашылық әлеуетін ашатындай білімділік орта жасау екендігін де естен шығарып, «менің айтқанымды қайталап бер, пәленінші параграфты оқып кел, ережені жаттап ал» сияқты нұсқаулар беруі жиі кездеседі. Ал ойлану әрекетіне негізделген оқу тапсырмаларының мәні – қарама-қайшылықтарды табу және оларды шешу, демек жаңа ұғым, жаңа білім алу. Ойлау әрекетінің қайнар көзі-адамның бұрынғы тәжірибесі мен білімі. Ойлануды қажет ететін оқу тапсырмалары әдетте, проблемалық ситуация түрінде беріледі