Мәтін лингвистикасы – өзінің теориясы мен практикасы бар салыстырмалы түрде алғанда жас (ХХ ғасырдың ортасы) дербес ғылым және оқу пәні. Мәтін лингвистикасы мәтін ұғымына негізделіп, көбінесе оны талдаумен байланыстыратын филологиялық риторика аталатын риториканың тағы бір бағытының дамуына ықпал етеді.
Заманауи мәтін лингвистикасы мәтіннің өзі мен құрылымын, категориялары мен тілдік бірліктерін, сол сияқты мәтінді, ең алдымен көркем мәтінді құрастыру, тудыру және талдау тәсілдерін зерделейді.
«Қазақ тілі және әдебиеті» мамандығы бойынша маман дайындауда «Мәтін лингвистикасы» пәнінің алатын орны мен маңызы ерекше зор.
Магистранттар бұл пәнді оқып үйрену барысында мәтіннің негізгі ұғымдары мен категорияларын, қазақ тілінің бай тілдік құралдарын және әдеби тілдің функциональды стильдік тармақтарын жан-жақты, терең игеруі қажет.
Бұл пәнді игеру барысында білім алушы микро және макро мәтіндержі талдаудың аспектілері лингвистикалық түсіндірме-қазіргі қазақ әдеби тілін қазіргі әдеби нормамен шендестіру тұрғысында тілдік бірліктерді, соның ішінде тілдік бірліктердің функциялық-стильдік және стилистикалық бояуын қарастыруды, деңгейлері мен принциптерін меңгереді.
