Деңгейлік тапсырмалар 1-деңгейдің сұрақтары Оқыту мақсаты міндеттерін атаңыз

Оқытудың мақсаты бұл оқушылардың тұлғасын, білім, іскерлік және дағдыларды меңгерте отырып, мақсатты қалыптастыру мен дамыту болып табылады.Ал оқытудың міндеті – оқушыны айнала ортамен (табиғат, қоғам) және адам дамуының негізгі заңдылықтарымен қаруландыру. Оқушы дүние тануда бұрын ғылымда белгілі болған, зерттеліп, дәлелденген жаңалықтарды, заңдылықтар мен тұжырымдарды әрі қарай дамыта түседі. Және оқыту – мұғалімнің білім берудегі негізгі іс–әрекеті болса, оқу – баланың өзінің танымдық, практикалық әрекеті. Сөйтіп, оқушының таным әрекеті мұғалімнің басшылығы арқасында ғана жүзеге асады.

Менің ойымша, Білім негіздерін меңгеруде жалпы білімдік мақсатты айқындайтын міндеттер мыналар деп ойлаймын:

• 
  Оқушының психологиялық даму ерекшелігін, пәнге деген қызығушылығын анықтау;
  
• 
  Тілдік қорын, мәдени сөйлеуін жетілдіру;
  
• 
  Оқушылардың өздігінен іздене отыра, шығармашылық қабілеттерін арттыруға икемдеу, соған байланысты жұмыс түрлерін жасау;
  
• 
  Оқу мен тәрбие егіз екендігін ескере келе, тәрбие жұмыстарында да, оқушының танымдық белсенділігін арттыру.