Дене тәрбиесі сабақтарындағы қауіпсіздік техникасы Дене шынықтыру сабағында басты назар аударатын мәселе-жаттығуларды орындау кезіндегі қауіпсіздік. Сондықтан да мұғалім барлық жабдықтар мен снарядтардың жарамдылығы мен қауіпсіздігін мұқият қадағалауы қажет. Төменде бағдарламаның жекелеген тараулары (бөлімдері) бойынша сақтауға тиісті қауіпсіздік ережелері.
Ортақ қауіпсіздік талаптары: Дене шынықтыру сабақтарына дәрігерлік тексерістен өткен, қауіпсіздік ережесімен танысқан оқушылар жіберіледі;
Спорт залында өрт сөндіргіш және барлық қажетті медициналық қобдиша болу керек.
Сабақ алдында қойылатын қауіпсіздік ережесі: Спорт киімін кию керек және табаны тайғақ емес өкшесіз аяқ киім кию қажет.
Секіру шұңқырындағы құмды жақсылап қопсыту керек, ондағы қосалқы заттардың болмауы керек.
Лақтыруға арналған заттарды құрғақ шүберекпен сүрту керек.
Сергіту сәтін өткізу керек.
Сабақ кезінде қойылатын талаптар: Топпен қысқа қашықтыққа жүгіргенде өзінің жағымен ғана жүгіру керек. Мәре сызығына дейінгі жол 15 м кем болмауы керек.
Қақтығысып қалмау үшін жүгіріп келе жатып кенет тоқтап қалуға болмайды.