Тосқауылды жетілдіру үшін жаттығулар: 1. 2, 3, 4-ші аймақтардағы қысқа және ұзын доп берілулерден кейінгі шабуылдаушы соққыға тосқауыл қою.
2. Тордың шетіндегі 2-ші және 4-ші аймақтағы шабуылдаушы соққыға тосқауыл.
3. Төменгі жылдамдатылған және өте жылдамдатылған доп берілуден кейін шабуылдаушы соққыға тосқауыл.
4. Тордан алыстағы доп беруден шабуылдаушы соққыға тосқауыл.
5. Бірінші доп беруден шабуылдаушы соққыға тосқауыл.
Техникалық дайындықты қадағалау үш түрді болжайды: спортық әдісті, нәтижені, осы әдісті пайдаланудан ұтқан, белгілі бір ойын кезеңінде әдісті қолданудың тиімділігі.
Педагогикалық қадағалаудың келесі формаларын пайдаланған жөн:
1. Техникалық тәсілдің дұрыстығы мен оны бағалау. Осылайша, дене шынықтыру ұжымдарында, мектепте, БЖСМ (ДЮСШ)-дағы төменгі топтарды жаттығушылардың дайындығын бағалайды. Жоғарғы сарапталған командаларда бұны кинография, хроноциклография, динамометрияның көмегімен қадағалау жүзеге асады.
2. Техникалық дайындықтың деңгейін тексеру бақылау нормалары мен жаттығулардың көмегімен орындалады. Бұларға техникалық тәсілдің нәтижелері (доптың ұшу жылдамдығы, дәлділік т.б.) тіркеледі.
Бұл нормативтерді дайындықтың әртүрлі кезеңдерінде пайдалануға болады. Әрине, бұл техникалық тәсіл, волейболдың қазіргі таңдағы даму деңгейін көрсетуі тиіс.
Нәтиженің нормативті бағасына келесі жаттығуларды іріктедік:
допты ойынға қосудың дәлділігі және доптың барынша ұшу жылдамдығы, анықталған бағытта дәлділікке әртүрлі аймақтан шабуылдаушы соққылар;
дәлділікпен қос қолдап астынан допты қабылдау.
Бақылау жаттығулардың әр қайсысының жаттығушының квалификациясына сәйкес анықталған нормативтер бар.
3. Техникалық тәсілдің көмегімен жеткен шабуылдаудың және қорғаныстың нәтижелерін тіркеу. Бұл үшін арнайы көшірмелер (запись) қажет. Бұдан техникалық тәсілдің тиімді жерлерін, команданың немесе ойыншының дайындығын байқауға болады.
Оқу барысында дайындықтың этапымен жүйелі бақылау жасалынуы тиіс. Бақылаудың ең бір тиімді түрі жарыс болып табылады.
