Жанама әсердің пайда болу механизмін түсіндіріңіз?
Жағымсыз реакцияларды қалай басуға болады?
26. Науқасқа зәр шығару жолдарының инфекциясын емдеу үшін препарат тағайындалды. Қабылдағаннан кейін бірнеше күннен соң науқастың зәрі шафранды -қызыл түске боялғанын байқады.
Науқасқа қандай препарат тағайындалған?
Қандай топқа жататындығын көрсетіңіз.
Микробқа қарсы әсерінің механизмін түсіндіріңіз.
Бұл препаратты тағайындау барысында дәрігердің тактикасы қандай болуы тиіс?
27. Науқас Ж., жедел пневмониямен 7 күн бойы сульфадемизин препаратымен емделген. Препаратты күніне 3 рет 1 таблеткадан қабылдаған. Емдеу курсынан кейін науқастың жағдайы жақсармады. Қайта анализдік талдау кезінде бұрын сезімтал болған флора бұл препаратқа төзімді болғаны анықталды. Препарат қай фармакологиялық топқа, топшаға жатады?
2. Препараттың микробқа қарсы әсер ету механизмін түсіндіріңіз. 3. Микрофлора төзімділігінің пайда болу себебін түсіндіріңіз. Препарат қандай жанама әсер туғызды? Мұның себебін түсіндіріңіз және оның алдын-алу жолы.
28.Микобактерияға бактерицидтік әсері бар, синтетикалық препаратты, туберкулезбен ауыратын 2 науқасты емдеу үшін қолданды. Бір науқаста әсері болды, ал екіншіге әсер етпегендіктен жағдайы жақсарған жоқ. 1.Қандай препарат қолданылды? 2.Оның бактерияға қарсы әсерінің механизмін түсіндіріңіз 3.Екі науқаста препараттың әсерінің әртүрлі болуы неліктен екенін түсіндіріңіз
29. Туберкулезбен ауыратын науқас бірінші топтағы туберкулезге қарсы препараттардың екі препаратын ұзақ уақыт қабылдаған. Соңғы уақытта науқас жүйке бойындағы ауырсынуды және сезімталдықтың төмендеуін байқай бастады.
