1.Қазақстандағы кинематографтың қалыптасуы Кино (грекше kineo – жылжытамын, жылжимын.)
Кино өнері – өнердің бір саласы , кинематографияның техникалық негізінде қалыптасқан көркем шығармашылық түрі.
Бірінші кинотүсірілім 1895 жылдың 28-ші желтоқсанында болған екен. Париждегі Гран-Кафе деген жерде француздық Луи Люмьердің бастауымен. Сол себепті осы күн алғашқы киномотогроф күні болып есептеледі.
Бірақ, кейін анықтала келе, екі ай бұрын сол 1895 жылы Берлинде Биоскоп деген шағын фильм түсірілген. Авторы: неміс Макс Складановсий.
Кейінгі зерттеулерде айтылады. Француздық режиссер Луи де Пранс 1889 жылы Лондонда көрсетілім түсірген.
Қазақстан аумағындағы алғашқы киносеанс 1910 жылы болды, бірақ бұл комерсанттардың ақша табу мақсатындағы кәсібі болғандықтан ол елде кино өнерінің таралуына да, кино индустриясының орнауына да әкелген жоқ.
Қазақ киносы Қазан төңкерісінен кейін пайда болды.Алғашқы кинохроника 1925 жылы түсіріле бастады
1927 жылғы есеп бойынша Қазақстанда қалалық прокат жүйесінде 21 кинотеатр , 30 клубтық киноқондырғылар болса , ауылдық прокат жүйесінде 41 жылжымалы киноқондырғылар мен 39 стационар кинотеатрлары көрерменге қызмет көрсетті.
Қазақстанмен байланысты алғашқы фильмдер Қазақстандық материал негізіндегі алғашқы көркем фильм — Фурмановтың «Бүлік» («Мятеж») романы бойынша (режиссеры С. А. Тимошенко) 1928 жылы «Совкино» киностудиясында түсірілді. 1935 жылы «Мосфильм» киностудиясында И.П. Шуховтың «Жек көрушілік» («Ненависть») романы бойынша «Жау жолдары» («Вражьи тропы») көркем фильмі түсірілді (режиссеры И. К. Правов). «Востоккино» тресі «Жұт» (1931), «Қаратау сыры» (1932) көркем фильмдерін шығарды.
