Зертханада эксперимент жүргізу үшін сан алуан химиялық ыдыстар кеңінен қолданылады. Химиялық ыдыстар мен жұмысқа қойылатын негізгі талаптар ұқыптылық, сақтық, тазалықты сақтау болып табылады. Ал, шыны ыдыстарға қойылатын негізгі талап - химиялық және термиялық тұрақтылық.
Х имиялық мықтылық - бұл сілтілер, қышқылдар және басқа заттардың әрекетіне төтеп беретін шынының қасиеті. Термиялық тұрақтылық - бұл ыдыстың температураның күрт толқуына төтеп беру қабілеті. Ең жақсы шыны болып пирекс саналады, ол термиялық және химиялық тұрақты, созылудың аз коэффициентіне ие. Пирексті шынының құрамында 80% кремний (IV) оксиді болады. Өте жоғары температурадағы тәжірибелер жасау үшін кварцты ыдысты қолданады. Кварцты шынының құрамында 99,95% кремний (IV) оксиді болады, ал кәдімгі зертханалық шыныда ол 70% болады. Сынауық - реактивтердің аз мөлшерімен тәжірибе жасау үшін қолданылады. Сынауықтағы реактивтің мөлшері сынауықтың жарты көлемінен аспау керек. Зертханалық стақандар- әртүрлі көлемді, имегі бар және имегі жоқ болып шығарылады. Стақандар әр түрлі зертханалық жұмыс жасау үшін қолданылады. Құты- әр түрлі көлемді және пішінді (жайтабанды, дөңгелек табанды, дөңес) болып шығарылады; зертханалық тәжірибеде әр түрлі мақсатта кеңінен қолданылады. Реторта - әр түрлі препараттық жұмыстар үшін қолданылады (НNО3 - алу үшін және т.б.). Вюрц құтысы- дөңгелек табанды құты, 60-800С бұрышында газ тартқыш түтікшесі болады. Оны газ алу үшін, атмосфералық қысымда сұйықты айдау үшін қолданады. Құйғы - химиялық құйғылар сұйықтарды құю және сүзу үшін қолданылады. Тамызғыш құйғыштар реакциялық ортаға сұйық реактивтерді біртіндеп қосу үшін қолданылады. Бөлектегіш құйғылар араласпайтын сұйықтарды бөлу үшін қолданылады.
