Иондардың сапалық реакцияларын жасап үйрену

Әдіскер: Исаева.З

Оқу күні:

Оқу тобы: ХТЗ-3219

Тақырыбы: «Иондарды аналитикалық топтарға бөлу»
Белгілі иондардың сапалық реакцияларын жасап үйрену нәтижесін кесте түрінде төмендегі нұсқа бойынша жазған ыңғайлы:

- жұмыстың атауы;

- есептің номері;

- анализге берілген қатты заттың немесе ертіндінің физикалық қасиеттері.

- кестенің бағаналарын толтыру.

Есеп № _______ күні _________

Көптеген аналитикалық реакциялар талғампаз жүрмейді, сондықтан біраз катиондарды басқа катиондар қатысында анықтау қиыншылықтар туғызады.

Сапалық анализде реактивтерді белгілі бір ретпен қосу – жүйелеп анализдеу – үлкен орын алады. Осылайша анализдеу барысында катиондар топтық реактивтердің көмегімен аналитикалық топтарға бөлінеді. Катиондарды жіктеудің кең тараған екі түрі бар – олар:

- күкіртті сутектік жіктеу (кесте 4);

- қышқылдық-негіздік жіктеу (кесте 5).

Күкіртті-сутектік жіктеуде негізгі топтық реактивтер күкіртті сутек, аммоний сульфиді, натрий сульфиді, аммоний карбонаты болады, ал қышқылдық негіздік жіктеуде - қышқылдар (НС1 мен Н₂SО₄) және сілтілер (NаОН мен NН₄ОН). Күкіртті сутектік жіктеу әдісі осыдан 100 жылдай уақыт бұрын ұсынылған, Д.И.Менделеевтің периодтық жүйесімен тығыз байланысты. Қәзіргі уақытта күкіртті сутектік жіктеу әдісі сирек қолданылады. Себебі, күкіртті сутек - өте улы газ, гемоглобиннің оттекті тасымалдау функциясын тежейді. Ал катиондарды аналитикалық топтарға жіктеудің қышқылдық-негіздік әдісі жиі қолданылады.