Ішкі саясат, мәдениет және тілдерді дамыту бөлімінің 2013 жылғы жұмыс қорытындысы

Ішкі саясат, мәдениет және тілдерді дамыту бөлімінің 2013 жылға арналған жұмысы бөлімнің жұмыс жоспарына сәйкес, сонымен қатар, қоғамдық – саяси іс-шаралардың аудандық, жылдық жоспарларына сәйкес жүргізіледі, оның аясында ай сайын аудан аумағында қоғамдық-саяси, мәдени – көпшілік, спорттық іс-шаралар өткізілді.

2013 жылы мерзімді баспаларды сатып алуға бөлінген сома - 892 мың теңге. Аудан кітапханаларына барлығы газет, журналдардың - 1174 данасы жазылды. Қазақстандық баспалардың үлесі жалпы саннан  90 % құрады. Қазақстандық баспалардан мемлекеттік тілдегі баспалар  95%  құрады.

Қазіргі уақытта аудан кітапханаларында - 23 кітапханашы жұмыс істейді.

Аудандық орталық кітапханасында және Канонерка ауылдық кітапханасында кәсіпкерлікке қолдау көрсететін  Онлайн орталықтары ашылды. Интернет желісіне қосылып, 5 компьютер халыққа пайдалануға берілді. Орталықта тегін жаңа технологияны меңгеру курстары өтті.

Қызметтің басымды бағыты Қазақстан Республикасы Президентінің Қазақстан халқына жыл сайынғы Жолдауындағы қойған тапсырмалары және отбасылық оқуды көпшілікке таратуға бағытталғаны болып табылады.

Кітапхана мектептер, музей, достық үйі, «Қазақстан жолы» тәрбие білім орталығымен тығыз байланыста. Кітапханаларда Елбасы Жолдауы, тәуелсіздік, тілдер мерекесі, Тұңғыш Президент күні, Астана, Наурыз мерекесі, өлкетану бағыттағы тағы басқа жылдың басты оқиғаларына орай мәдени іс-шаралар өткізілді.

«Халыққа арнау – 2050»  дөңгелек үстелдер, «Президент бағдарламасы - болашаққа бағдаршам» тақырыбында ақпарат сағаттар,  «Президент Жолдауы – болашақ бастауы» атты кітап көрмесі, стенд ұйымдастырылды. «Елін сүйген, елі сүйген Елбасы» атты ашық кітап көрмесі, «Болашаққа Президентпен» флеш моб, «Көк тудың желбірегені - Елбасының ерен еңбегі» тарихи сағат өткізілді. «Желтоқсан жаңғырығы» тарихи сабақ , «Тылдағы ерен еңбек» кездесу кеші,  «Әлем таныған ақын- Ф.Онғарсынова» поэзия кеші, «Жақсы кітап - жан азығы» атты  ашық кітап көрмесі қойылды.

Кітапханаларда Бесқарағай ауданының құрметті азаматы», ақын, жазушы Түкісов Уәлихан Мұқаметқалиұлының «Елім деп еңбек еткендер» кітабының тұсаукесер кеші, «Дарынды сазгер Жолан Дастенов»  70- жыл толуына орай  портрет кеші, «Күш білімде, – бірлік тілде» атты әдеби ойын сайысы, «ЭКСПО-2017» қызықты жаңалық сағаты, «Азат елдің ар-намысы – Ата Заң» атты кітап көрмесі бойынша библиографиялық шолулар өткізілді. 

 

Аудандық кітапханада өткізілген көпшілік іс-шаралар