Босану процесі үш кезеңнен тұрады: Жатыр мойнының ашылу кезеңі; бала туылу кезеңі; бала жолдасының бөліну кезеңі
Бірінші кезеңде баланың өмірге келуі үшін жатыр мойыны ашылады. Алғашқы кездегі толғақ бірнеше минутқа не 30 минутқа дейін созылуы мүмкін. Босану уақытысы алғашқы балада 12-15 сағатқа созылады. Әрбір толғақ болған сайын ұрықтың басы кіші жамбас шеңберіне қарай ойысып, жатыр мойнының ашылуына ықпал етеді. Бұл процес жатыр мойнының ашылуы деп аталады. 3-5 минут сайын толғақ жиілейді. Толғақ неғұрлым жиілеген кезде жатыр жиырылады. Сөйтіп, жатыр мойыны ашылуының аяғына қарай қабықшалар айырылады да ондағы су төгіледі. Кейде алғашқы баласын өмірге әкеліп жатқан анада жалған толғақ болады. Жалған толғақты шынайы толғақтан ажырату қиын. Сондықтан әйелге жәй жүргізу арқылы оны анықтауға болады.
Екінші кезеңде баланың өмірге келу процесі басталады. Бала туылу кезеңінде жатырдың жиырылуына құрсақ қабырғасының күшенуі деп аталатын құбылыс қосылады. Яғни босанатын әйел аз уақытта тынысын бөгейді, соның нәтижесінде көк ет тығыздалады да ішті кернейді. Бұлай жасау арқылы іштегі қысым керіліп жатырға, содан кейін балаға жетеді. Осылайша нәресте екі күштің, атап айтканда, жатырдың жиырылуы және күшенудің әсерімен бас жағымен өмірге келеді. Бұл процесс 10 минуттан 40 минутқа дейін созылады. Бетін түмен қараған түрде шығады.
Достарыңызбен бөлісу: |
