Электронный журнал
Қазақстанда іс қағаздарын жүргізу / ІС ҚАҒАЗДАРЫН ЖҮРГІЗУ ЖАТТЫҒУЛАРЫ
Жұмыскерлердің жеке істерін қалыптастыру, ресімдеу және жүргізу
А. Адельгужин
Қазақстан Республикасының Мәдениет және спорт министрлігінің "Орталық мемлекеттік мұрағаты" Республикалық мемлекеттік мекемесі бас директорының орынбасары, Алматы қ
Құжаттың дербес түрі ретінде жеке іс жарыққа жүз елу жыл бұрын пайда болды. 1858 жылы басылып шыққан ресейлік императоры II Александр Жарлығына сәйкес, қызметке тағайындау және оның отставкаға шығу (немесе қайтыс болу) сәтінен бастап әрбір шенеунікке "қызмет туралы жеке іс" жүргізуді белгіледі.
Жеке іс жұмыскерге ұйым басшысының жұмысқа қабылдау туралы бұйрығы (өкім) шыққан соң жеті күнтізбелік күн ішінде бастайды және осы жұмыс орнында бүкіл еңбек қызметі бойы жүргізіледі.
Жеке істің барлық құжаттары қатты картон қағазға тігіледі. Мұқабаның бет жағында жеке істі бастағаннан кейін бірден келесі деректемелер қойылады:
1) ұйымның ресми атауы;
2) ұйым орналасқан елді мекеннің ресми атауы;
3) жеке істі қалыптастыратын, сақтайтын және есепке алатын ұйымның құрылымдық бөлімшесінің ресми атауы;
Жеке іс – ол жұмыскер және оның еңбек қызметі туралы толық мәліметтерді қамтитын дербес есепке алу құжаттарының жиынтығы.
|
4) жеке істің атауы (жұмыскердің тегі, аты, әкесінің аты (бар болғанда);
5) жұмысқа қабылдаған күн;
6) жеке істің реттік нөмірі.
Жеке іс құжаттарындағы және оның мұқабасындағы жазбалар қолмен қара, көк және күлгін түсті сиямен, түзетусіз және түсінікті жазылады.
Егер жеке іс құжаттарына түзетулер енгізу қажет болғанда, кадр қызметінің жұмыскері барлық түзетулерді өз қолымен және ұйымның мөрімен куәландыруға тиіс.
|
Күндері сөз-сан тәсілімен ресімделеді: күн мен жыл – араб сандарымен, ай сөзбен жазылады (мысалы, 2015 жылғы 15 қараша).
Жеке істі аяқтаған соң оның аяқталған күні қойылады, ал мұқабаның төменгі бөлігінде жеке іс парағының саны көрсетіледі (санмен және жазумен).
Достарыңызбен бөлісу: | 
