Кенеттен басталады. Алғашқы минуттарда кеуденің жедел шаншып ауыруы және жедел дамитын ентігу болады. Ауырсыну дем алғанда және жөтелгенде күшейеді. Ауырсыну мойынға,иыққа,қолға және бел, іш аймағына беріледі. Өте ауыр жағдайларда науқас талып қалады және терінің бозаруы, акроцианоз, тахикардия, қорқыныш, үрей сезімі болады. Науқастың қалпы жартылай отырған немесе жанына қарай жатқан қалыпта болады.
Екіншілікті спонтанды пневмоторакс
Ауру ауыр түрде өтеді және жүрек қан-тамыр жүйесінің өзгерістерімен жүреді. Асқынған түрінде күш түскен пневмоторакс, гемоторакс және реактивті плеврит, өкпе коллапсы дамиды.
ДИАГНОСТИКА
Жалпы қарау: бір жақ кеуде қуысының тыныс алуда артта қалуын, пневмоторакс жағыда қабырғааралықтарының ісінуін, тыныс алуда қосымша бұлшықеттердің қатысуын көруге болады. Екіжақты пневмоторакс кезінде диффузды немесе акроцианозды байқауға болады.
Пальпацияда: тері асты эмфиземаның белгісі ретінде крепитация болу мүмкін. Пнемоторакс жақта дауыс дірілінің әлсіреуін білінеді.
