Курс саясаты Сабақтан кешікпеу және қалмау, оқытушы ұсынған сабақтың мазмұнын мұқият тыңдау және сабаққа белсене араласу, аудиторияда ұялы телефонды өшіріп қойып жұмыс істеу, қалған сабақтарды қосымша орындау, кітапханада және үйде өз бетінше дайындалу. Ең үлкен балл студентке тапсырманы уақытында және жоғары сапамен орындағаны үшін беріледі. Тапсырманы уақытында оқытушыға өткізбеген жағдайда балл азаяды. Студенттердің оқу жетістіктері (білімі, іскерліктері, дағдылары мен құзыреттері) халықаралық практикада қабылданған цифрлық эквиваленті бар әріптік жүйеге және дәстүрлі жүйедегі бағаларға сәйкес келетін 100 балдық шкала бойынша (оң бағалар "А"-дан "D"-ға дейін азаю арқылы және "қанағаттанарлықсыз" - "FX", "F") балдармен бағаланады. (білім алушының білім жетістігін әріптік жүйемен бағалау кестесі құжаттың соңында келтірілген).
"FХ" белгісіне сәйкес келетін "қанағаттанарлықсыз" баға алған жағдайда, студент оқу пәнінің бағдарламасын қайта өтпей-ақ қорытынды бақылауды қайта тапсыру мүмкіндігіне ие.
"F" белгісіне сәйкес келетін "қанағаттанарлықсыз" баға алған жағдайда, студент осы оқу пәніне қайта жазылады, оқу сабақтарының барлық түрлеріне қатысады, бағдарламаға сәйкес оқу жұмысының барлық түрлері орындайды және қорытынды бақылауды қайта тапсырады.
Емтихан билетінде 4 сұрақ болады. Әр сұрақ 100 баллмен бағаланып, орта баллы шығарылады.
Орынханов Қанат Аманжолұлы, қауымдастырылған профессор,
Махмутов Абзал Қасенұлы, қауымдастырылған профессор,
Хасанова Гузель Абдусаттаровна, ветеринария магистрі, ассистент.
Акушерия, хирургия және ұдайы өндіріс биотехнологиясы кафедрасы, №11, оқу корпусы, 131 каб., Р.Т. 264-53-74.
Кеңес беру кестесі: әр бейсенбі 1500-1600 сағат
