Осы айтылғандардан шығатын қорытынды: Оқушылардың өз бетіндік жұмысы оқыту әдiсi де, оқыту принципi де емес, ол-оқушының оқу әрекетiнiң күрделi бiр түрi немесе оқу жұмыстарының арнайы бiр формасы болып табылады.
Өз бетіндік жұмысты ұйымдастырудың шарттары мыналар: мұғалiмнiң нақты тапсырмалар беруi, жұмысты орындаудың және аяқтаудың уақытын белгiлеуi, мұғалiмнiң басқаруымен оқушылардың дербестiлiгiнiң мөлшерi, олардың жұмысты өз еркiмен және қалауымен iстеуi, оған әсер ететiн мотивтер т.б.
Осыған орай, оқушылардың өз бетіндік жұмысын арнайы бөлiнген уақыт iшiнде мұғалiмнiң тапсыруымен, бiрақ тiкелей көмегiнсiз орындалатын жұмыс деп айту жеткiлiксiз. Мұндай анықтамада оны ұйымдастырудың негiзгi белгiлерi көрсетiлмеген. Өз бетіндік жұмысты мұғалiмнiң дұрыс басқара бiлу және оқушылардың дербестiк әрекетiнiң дәрежесi артып отыруы-осы жұмысты ұйымдастырудың негiзгi белгiлерi болып табылады.