СҰЛУ МЕРКІ - ӘСЕМ ӘН
Әні - Хамит Жұмаходжаевтікі. Сөзі - Ш. Мамасеріқованікі.
Атақ -даңқы асқақтап шалқығандай,
Қасиетті Меркінің халқы қандай.
Қарай қалса қыздары күлімсіреп,
Қара тастың өзі де балқығандай.
Қайырмасы: Жыр-пырағым,қанатым,
Нұр тұрағым, жәннатым.
Сұлу Меркі - әсем ән,
Шырқап кешке салатын.
Шөбі - дәрі, суы - бал құндақтаған,
Алтын бесік Аспарам қымбат маған.
Ақша мандай, айналдым, аруыңнан
Арқасында қос бұрым бұлғақтаған.
Қайырмасы: Қыран толы таулары,
Жеміс толы баулары.
Сұлу Меркі - әсем ән,
Жібек Жолдың жауһары.
Жусан исі аңқыған жұпар далам,
Сендей дарқан болуға құмарланам.
Жүрегімді жаулаған бір гүлің бар,
Ұяң жүзі үлбіреп ұнар маған.
Қайырмасы: Арпа, бидай дәнге бай,
Әдемі, асқақ әнге бай.
Сұлу Меркі ұқсайды
Дәл өзіңе, сәулем-ай!
Достарыңызбен бөлісу: |
