)Асырап алушы ата-аналар, олардың құқықтары мен міндеттері

Жасы 25-тен асқан кез-келген тұлға асырап алушы ата-ана бола алады. Бұл тізімге келесілер кірмейді:

1) сот қабілетсіз немесе қабілеті шектеулі деп таныған тұлғалар;

2) сот тәртібімен ата-ана құқығынан айырылған немесе ата-ана құқығы шектелген тұлғалар;

3) заң бойынша жүктелген міндеттерін тиісінше орындамағаны үшін қорғаншы (қамқоршы) міндеттерінен шеттетілген тұлғалар;

4) бұрынғы асырап алушылар, егер олардың кінәсінен сот асырап алу құқғының күшін жойған болса.

5) денсаулық жағдайына байланысты баланы тәрбиелеу бойынша құқықтар мен міндеттерді атқара алмайтын тұлғалар;

6) асырап алушы отбасына тәрбиелеуге берілген баланың жақын туыстары (бауырлары, әпкесі, атасы, әжесі).

• 
  Бірінші кезекте балалар толық отбасыларға тәрбиелеуге беріледі. Асырап алушы ата-аналарды іріктеген кезде педагогикалық, медициналық немесе психологиялық білімі бар, ата-ана, асырап алушы ата-ана, қорғаншы (қамқоршы) ретінде бала тәрбиелеуде оң тәжірибесі бар тұлғалар басым құқықтарға ие болады.
  
• 
  Қорғаншылар мен қамқоршылар тәрбиелуге алған жетім балалар мен ата-ана қамқорлығынсыз қалған балаларға қатысты қандай құқықтар мен міндеттерге ие болса, асырап алушы ата-аналар да сондай құқықтар мен міндеттерге ие. Оларға ҚР «Неке (ерлі-зайыптылық және отбасы туралы» кодексінің 122-бабының 1-тармағында қарастырылған талаптар қойылады.
  
• 
  Асырап алушы ата-аналар балаларды тәрбиелеуге, олардың денсаулығына күтім жасауға, адамгершілік мінез-құлқы мен физикалық дамуына үлес қосуға, олардың білім алуы үшін қажетті жағдайларды жасауға, оларды өз бетінше өмір сүруге үйретуге міндетті. Асырап алушы ата-аналар тәрбиеленушілер үшін Қазақстан Республикасының заңнамасына сәйкес жауап береді.
  
• 
  Асырап алушы ата-аналардың құқықтары балалардың мүдделеріне қайшы жүзеге асырылмайды.
  
• 
  Асырап алушы ата-ана ретіндегі жұмыс уақыты ҚР заңнамасына сәйкес жалпы еңбек өтіліне есептеледі.