| Бағдарламалық-мақсатты талдау
берілген жағдай бойынша қызмет
бағдарламаларын, болашаққа қол жеткізудің нақты моделін әзірлеуге баса
назар аударады.
Кейс-тапсырманы орындау кезеңдері
Кейстің шешімі белгілі бір мақсат пен міндеттерді көздеген
студенттердің дербес жеке немесе топтық жұмысының өнімі болып
табылады. Кейспен жұмыс істеу кезең-кезеңмен жүзеге асырылады. Кейс-
тапсырманы орындау сегіз кезеңнен тұрады:
Бірінші кезең – кейс мәтінімен, ондағы жағдаятпен, оның
ерекшеліктерімен танысу.
Екінші кезең – проблеманы (ларды) көрсететін фактілерді анықтау,
негізгі проблеманы (проблемаларды) бөліп алу, нақты әсер етуі мүмкін
факторлар мен персоналдарды бөліп алу.
Үшінші кезең - мәселе иерархиясын құру (басты және екінші дәрежеге
бөлу), шешілетін мәселені таңдау.
Төртінші кезең - проблеманы шешу жолдарын генерациялау. «Ми
шабуылы» әдісімен жүргізілуі мүмкін.
Бесінші кезең - әрбір баламалы шешімді бағалау және қандай да бір
шешімді қабылдаудың салдарын талдау.
Алтыншы кезең - кейс бойынша түпкілікті шешім қабылдау, мысалы,
әрекеттер тізімі немесе әрекеттер реттілігі.
Жетінші кезең - жеке немесе топтық шешімдерді таныстыру және жалпы
талқылау.
23
Сегізінші кезең - оқытушының басшылығымен оқу тобында қорытынды
шығару және бағалау.
Достарыңызбен бөлісу: | 
