Оқу жылы бойынша №6 Хромтау гимназиясының тәрбие жұмысы бойынша жылдық есебі
жүктеу/скачать 0,65 Mb.
|
- Бұл бет үшін навигация:
- 6 Хромтау гимназиясының 2012-13 оқу жылы бойынша әлеуметтік төлқұжаты
- Мектеп асханасында тегін ыстық тамақ ұйымдастыру
- Тәрбие жұмысы бойынша жетістіктер мен кемшіліктер
- Үздік өнер көрсеткені
- І орын; Аудандық қозғалыстың жас инспекторлар слеті жүлделі І орын
- «Үздік саптық шеру» номинациясы; Аудан мектеп оқушылары арасында өткізілген КТК ойынында жүлделі – ІІІ орын.
Оқушыларда салауатты өмір салтын қалыптастыру (оқушылардың денсаулығы және олардың әртүрлі спорттық- сауықтыру қызмет түрлерімен қамтылуы, валеологиялық қызмет жұмысы); №6 Хромтау гимназиясында 2012-2013 оқу жылында Қазақстан Республикасының денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасын жүзеге асыру жөнінде іс-шаралар жоспары, 2012-2013 оқу жылында нашақорлыққа және есірткі бизнесіне қарсы күрестің алдын алуға байланысты жүргізілетін іс-шаралар жоспары, 2012-2013 оқу жылында Қазақстан Республикасының денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасы шеңберінде АҚТҚ/ЖҚТБ алдын алу іс-шаралар жоспары құрылып, бекітілген. Білім күніне арналған салтанатты жиыннан кейін 1- 4сыныптарда Қазақстан Республикасының Президентінің 2010жылдың 29 қарашасындағы № 1113 Жарлығымен бекітілген денсаулық сақтауды дамытудың 2011 – 2015 жылдарға арналған « Саламатты Қазақстан » мемлекеттік бағдарламасын іске мақсатында 5-7сыныптарда « Денсаулық сабақтары » өткізілді. Қазақстан Республикасы Ішкі Істер министрлігі Жол полициясы комитетінің ақпараты бойынша жаңа 2012-2013 оқу жылында балалар мен жасөспірімдердің жолдар мен көшелерде жол қауіпсізігін болдырмау мақсатында № 6 Хромтау гимназиясында 3-8 қыркүйек аралығында өтетін «Абайлаңыз- балалар!» атты жедел алдын алу іс-шарасы өткізілді. 2012 жылдың 3-8 қыркүйек күндері Қазақстан Республикасы Президентінің 2011-2015 жылдарға арналған « Саламатты Қазақстан » мемлекеттік бағдарламасын іске асыру мақсатында № 6 Хромтау гимназиясында денсаулық апталығы болып өтті. 8 қыркүйек күні « Мен, сен және ол — біз саламатты ел!» атты ұранымен « Денсаулық фестивалі — 2012» өтті. Салауатты өмір салтын насихаттау мақсатында өткен шараға ұстаздар,білім алушылар түгел қатысып, белсенділік танытты. Денсаулық фестивалінің ашылу салтанатында Мемлекеттік Гимн орындалып, ұлттық рух шарықтады. Гимназия директорының тәрбие ісі жөніндегі орынбасары Жасаганбергенова Баян Ідірісқызы денсаулық фестиваліне қатысушыларды құттықтап, сәттілік тіледі. Денсаулық фестивалінде гимнастикалық жаттығулар жасалынып, түрлі спорттық шаралар өткізіліп,жеңімпаздар диплом, мақтау қағаздарымен марапатталды. 5-7 сынып қыз балалар арасында өткізілген пионербол ойынында: Іорын- 6 “ә” сынып, ІІ орын- 7 “ә” сынып, ІІІ орын-7 “а” сынып иеленді. 5-7сынып ер балалар арасында өткен футбол ойынында І орын- 7 “ә” сынып, ІІ орын- 5 сынып,ІІІ орын-6 “ә” сынып иеленді. Аталған шараға ұжым 100% қатысты. Нашақорлыққа және есірткі бизнесіне қарсы күрестің алдын алуға байланысты жылдық жұмыс жоспары құрылып , жоспарға сәйкес осы апталық барысында балалар дәрігері Алтаев Абилқасым 9-11 сынып білім алушыларына «Нашақорлық және оның зардабы.», «Нашақорлық туралы сөйлесейік » тақырыбында әңгіме өткізді. Алдымен нашақорлық туралы бейне фильм көрсетті. Содан соң білім алушылардың пікірлерін тыңдап, көптеген кеңестер бере отырып, жаман әдеттен аулақ болуға шақырды. Білім алушыларды салауаттылыққа шақыру мақсатында Дүниежүзілік дұрыс тамақтану күніне орай онкүндік ұйымдастырылды. 20 қазан күні айлықтың жұмыс жоспары құрылып, бекітілді. «Құбылнама» ақпараттық клубы салауаттылыққа шақыратын көптеген деректер бойынша ақпарат бұрышын дайындады. 1 қараша күні «Жаңа АИТВ-инфекциясы –нөл» тақырыбында ЖИТС-ке қарсы айлықтың ашылуына байланысты жұмыс жоспары ілініп, хабарлама жасалынды. 2 қараша күні денсаулық клубының мүшелері 5-11сынып білім алушыларымен «ЖИТС –ХХІ ғасыр індеті» тақырыбында ашық әңгіме өткізді. АҚТҚ/ЖҚТБ алдын алу байланысты мектеп медбикесі Утебаева Жанна 5-8 сынып білім алушыларынан сынақхат, 9-11 сынып білім алушыларынан сауалнамалар алды.16-17 қараша айларында 5-7 сынып білім алушылары арасында пионерболдан, 19-20 қараша аралығында 8-9 сынып білім алушылар арасында дойбыдан спорттық ойындар өткізілді. 21 қарашада өзін-өзі басқару ұйымы «Жоқ! Деп айта біл!»тақырыбында зиянды заттарға қарсы үгіт насихат жұмыстарын жүргізді.23 қарашада 9-11 сынып білім алушыларымен «Салауатты өмір салты» тақырыбында дөңгелек үстел болып өтті. Аталған шарада алдымен ЖҚТБ туралы бейне фильм көрсетілді. Содан соң тақырып бойынша дөңгелек үстелге қатысушылар өзара пікіралысты. 28 қараша күні ата-аналарға «Жат қылықтардың алдын алу» тақырыбында жаднамалар таратылды. 29 қараша айында «Есірткі және қоғам» тақырбында жоғары сынып білім алушыларымен дөңгелек үстел өткізілді. Дөңгелек үстел басында «Социальный ролик о подросковый наркомании» тақырыбында бейне фильм көрсетіліп, осы бейне ролик бойынша ой қозғалды.Осы күні денсаулық клубының мүшелері үндеулер таратты. Айлық барысында тәрбие сағаттары өткізіліп, білім алушыларға АҚТҚ/ЖҚТБ туралы мәліметтер берілді. Айлық соңында «АҚТҚ/ЖҚТБ-ғасыр індеті» атты акция болып өтті. 19 қаңтар күні ұжым аудандық қысқы ойындар мерекесі қатысты. Мерекеде ән байқауы бойынша ІІ орын, көңілді эстафета сайысында жүлделі ІІІ орынға, сонымен қатар арқан тартысқа бастауыш сынып білім алушылары қатысып І орынға ие болды. Сонымен көпшілікке шай дастарханы ұйымдастырылды. 22 қаңтар күні мектеп медбикесі Утебаева Жанна білім алушыларға «Тұмау белгілері, емделу шаралары, алдын алу» тақырыбында кеңестер беріп, алдын алу шараларын жасау мақсатында 23 қаңтар күні санбюллетень шығарды.24 қаңтар күні 5-6сыныптар арасында «Көңілді эстафета» ойындары ұйымдастырылып, жеңімпаз сыныптар гимназия директорының мақтау қағаздарымен марапатталды. 26 қаңтар күні 1-4 сынып білім алушыларына мектеп дәрігері Алтаев Абилқасым «Желшешек аруы туралы», 31 қаңтар күні «Жұқпалы ауруларға қарсы дәріс» оқыды. 11-16наурыз аралығында тәрбие жұмысының дене тәрбиесі мен салауатты өмір салтын және денсаулық қорғаушы орта қалыптастыру бағыты бойынша апталық болып өтті. Медбике Утебаева Жанна ұстаздарға «Туберкулездің алдын алу шаралары-ахуалды жақсарту кепілі» тақырыбында дәріс оқыса, наркобекет тобының мүшелері «Біздің мақсат – туберкулёздің алдын алу!» тақырыбында жаднамалар ілді. 12 наурыз күні балалар дәрігері Алтаев Абилқасым білім алушыларға арналған туберкулез туралы лекция оқып, толық мағлұмат берді. Апта барысында спорттық ойындар өткізіліп, тәрбие сағаттары өтті. Туберкулез – қатерлі, жұқпалы ауру болып қалуда тұрғындардың еңбекке жарамдылығын жоғалтып, қайтыс болу жағдайларына апарып соғуына байланысты мемлекетке үлкен орны толмас зардабын тигізуде. 16 наурыз күні «Ұрпақ саулығы өз қолыңызда» атты дөңгелек үстел болып өтті. Дөңгелек үстел басында балалар дәрігері Алтаев Абилқасым Қазақстан Республикасындағы туберкулезбен күрес стратегиясының негізін құрайтын құжаттар: АМСК жүйесінде туберкулезге қарсы қызметті күшейтуді қарастыратын Қазақстан Республикасының Президентінің Жарлығы 13.09.2004 жыл №1438 «Қазақстан Республикасының 2005 -2010 жылдары денсаулық сақтауды реформалау және дамыту», ҚР Үкіметінің Қаулысы 21.12.2007жыл №1263 «Қазақстан Республикасында тұрғындарды туберкулезден қорғау шаралары», ҚР Үкіметінің денсаулықты қорғау Ұлттық Үйлестіру кеңесімен бекітілген «2008 – 2012 жылдарға арналған Туберкулезге қарсы шараларды жүзеге асырудың Салааралық Жұмыс Жоспары», және басқада нормативті – құқықтық актілердің бар екендігін айтып, балаларды туберкулез ошақтарынан бөлектеу үшін барлық облыстарда балалар-бақшасы, мектеп – интернаттар және балаларға арналған шипа – жайлар қарастырылғандығын айтып өтті. 3сәуір күні «Құбылнама» ақпараттық клубы «Дұрыс тамақтану-денсаулық кепілі» ақпараттық бұрыш шығарды.4сәуір күні 1-5сынып білім алушылары арасында «Денім сау болсын десең-спортпен шұғылдан!» тақырыбында сурет байқауы болып, үздік жұмыстар гимназия директорының мақтау қағазымен марапатталды. 6сәуір күні бастауыш сынып білім алушылары арасында «Көңілді мәре» ойыны өткізілді. Патриоттық тәрбиелеу және білім беру ұйымының кеңістік-пәндік ортасын ұйымдастыру (мемлекеттік нышандар, тақырыптық стендтер, плакаттар т.б.); № 6 Хромтау гимназиясында Білім күніне байланысты «Білім әлеміне қош келдіңіздер!» атты салтанатты жиын болып өтті. Жиынға 340-ға жуық ата-ана, 448 білім алушы, қонақтар, ұстаздар қауымы қатысты. Салтанатты жиынның қонақтары аудан әкімінің орынбасары Шілманов Сейтмағамбет Қуандықұлы, Хромтау аудандық білім, дене шынықтыру және спорт бөлімінің бастығы Сейдоллаев Талғат Амангелдіұлы мектеп ұжымын, ата-аналарды жаңа оқу жылымен құттықтап, мектеп табалдырығын алғаш аттағалы отырған 53 бүлдіршінге ақ жол тіледі. Салтанатты жиында Мемлекеттік Рәміздердің 20 жылдығы туралы айтылып, Лондан олимпиадасында Мемлекеттік туымыздың бірнеше мәрте көтеріліп, Мемлекеттік Гимніміздің 7 рет асқақтата шырқалғандығы айтылды.Гимназия директоры Мукашева Гүлмараш Орынбасарқызы мектеп ұжымын жаңа оқу жылымен құттықтап, былтырға оқу жылындаға жықсы жетістіктерге тоқталып, республикалық «Бастау» олимпиадасында Гран при жүлдесіне ие болған 3 білім алушыға 10000 теңгеден ақшалай сыйлық табыс етті. 1 сынып бүлдіршіндері тақпақтар оқып, 11сынып білім алушысы Байжанова Айымгүл барша гимназия білім алушылары мен ұстаздар қауымына жаңа оқу жылымен құттықтап, толағай табыс тіледі.Салатантты жиынның соңғы бөлімінде 2012-2013 оқу жылының Алғашқы қоңырауын «Ауылдың гүлденуі-Қазақстанның гүлденуі» жастар марафон эстафетасының жеңімпазы 11 сынып білім алушысы Сембай Мейіржан және 1 «а» сынып білім алушысы Самат Томирис соқса, № 6 Хромтау гимназиясының білім кілтін жасөспірімдер арасындағы кикбоксингтен Қазақстан чемпионы Аясхан Танат және 1 «а» сынып білім алушысы Қуандықов Нұрмухамед, «Бар кітапқа бас болған, «Әліппе-ғылым ағасы» демекші әліппе оқулығын 1сынып бүлдіршіні Өтеміс Махамбет, әлемнің құпия сырын бейнелейтін глобусты Қуандықова Ақнұр және Облыстық олимпиада жүлдегері 11сынып білім алушысы Азимова Динара алып шықты. Салтанатты жиыннан кейін 1- 4 сыныптарда ҚР Мемлекеттік рәміздері 20 жылдығына орай «Мемлекеттік рәміздер-ұлттық мақтаныш» тақырыбында ашық сабақтар, Қазақстан Республикасының Президентінің 2010жылдың 29 қарашасындағы № 1113 Жарлығымен бекітілген денсаулық сақтауды дамытудың 2011 – 2015 жылдарға арналған «Саламатты Қазақстан» мемлекеттік бағдарламасын іске мақсатында 5-7сыныптарда «Денсаулық сабақтары», Ата Заңымыздың 17жылдығына арналған 8-11сыныптарда «Конституция –ұлттың ең маңызды құжаты» тақырыптарында тәрбие сағаттары өткізілді. «Мемлекеттік тіл-менің тілім» атты тілдер мерекесіне орай фестиваль болып, фестивальға 130 білім алушы, сынып жетекшілер қатысты. Аталған шарада өзге ұлт өкілдерінің билері орындалып, Абайдың қара сөздері , сонымен қатар бірқатар ақындардың өлеңдері оқылды. 29 қазан күні «Тәрбиелі тәртіптің құлы» тақырыбында «Ұлағат» ер балалар клубының отырысы болып, онда «Тәртіп деген не?, Б.Момышұлының «Тәрбиелі –тәртіптің құлы» деген сөзін қалай түсінесіңдер? Қоғамда тәртіп талаптарына қарамай өмір сүруге бола ма? Неге?» тақырыптар төңірегінде мәселелер талқыланды. 30 қазан күні «Мемлекеттік рәміздер- біздің мақтанышымыз» атты акция болып өтті. Аталған шараға ұстаздар, білім алушылар қатысты. 24 қараша күні «Ұлттық валюта-ұлт мақтанышы» тақырыбында 9-10 сынып білім алушыларымен дөңгелек үстел болып өтті. 20 қараша күні «Арман! Еңбек! Сенім!» атты флеш-моб акция болып өтті. Акцияға қала мектептерінің көшбасшыларымен бірге, аудан әкімі , «Нұр Отан» халықтық Демократиялық Партиясының Хромтау аудандық филиалының төрағасы Усманғалиев Аязбай Қайырғалиұлы, «Жас Отан» Жастар Қанатының II съезіне қатысқан делегаттар Буккарина Ақерке Бақыткерейқызы, Реимов Қуандық Есболсынұлы, Сатаев Кәкім, Жанкулова Азель Исатайқызы және Хромтау аудандық маслихатының хатшысы Молдашев Дәурен Хайреденұлы қатысты. 26 қараша күні Дүйсенова Айнаштың ұйымдастыруымен «Менің елім-Тәуелсіз Қазақстан» атты суреттер байқауын өткізіп, жеңімпаздарды мақтау қағаздарымен марапаттады. 27 қараша күні 10сынып білім алушыларымен «Сапалы біліммен, Қазақстанның көркеюі» атты дөңгелек үстел болып өтті. Дөңгелек үстелдің қонақтары Хромтау аудандық «Нұр Отан» ХДП атынан , аудандық кітапхана директоры Ермағамбетова Дайра алматқызы және директордың ғылыми әдістемелік жұмысы жөніндегі орынбасары Жақсылықова Шолпан Жайылханқызы. Дөңгелек үстел басында қазіргі замандағы беріліп жатқан білімнің сапасы, мүмкіндіктер туралы айтылып, кеңестік дәуірдегі білім беру сапасымен салсытырмалы түрде ой бөлісілді. Сонымен қатар елімізде болып жатқан жаңалықтар айтылып, білім алушылар өз ойларында ортаға салды. 30 қараша күні барлық сыныптарда тұңғыш президент күніне орай тәрбие сағаттары өткізіліп, «Елін сүйген, елі сүйген Елбасы» атты акция болып өтті. Акция барысында ұстаздар, білім алушылар еліміздің тұңғыш Президенті күніне құттықтаулар айтып, әндер шырқалды. Аталған шараға ұстаздар, білім алушылар қатысты. 3 желтоқсан күні сынып жетекшілер бірлестігінің жетекшісі Жуминова Жайнагүл «Білім алушыларды рухани-адамгершілікке тәрбиелеу жолдары», тарих пәні мұғалімі Сәрсембаева Айсәуле «Жасампаздық жолдауы –айқын мақсат, анық жол» тақырыбында баяндама оқып, 4 желтоқсан күні 6а сынып жетекшісі Конуспай Ару «Берік іргеміз елбасымен», 3а сыныбының жетекшісі Биржанова Гүлназ «Жолдау жасампаздықтың жарқын жолы» сыныптан тыс шаралар өткізді. 6 желтоқсан күні мектеп кітапханашысы Елеусизова Әлия Құбылнама»ақпараттық клубының мүшелерімен «Тәуелсіздік жолы – нұрлы жол» атты көрме ұйымдастырды. 7 желтоқсан күні мектеп алды даярлық тобының бүлдіршіндері арасында «Тәуелсіздік негізін қалаған елбасы» тақырыбында мәнерлеп оқудан сайыс ұйымдастырылды. Әділ қазылар алқасының шешімі бойынша сайысқа қатысушылардың барлығына гимназия директорының мақтау қағаздары тапсырылды. 10 желтоқсан күні Тәуелсіздігіміздің 21 жылдығына орай қабырға газеттері шығарылып, құттықтаулар ілінді.Тұңғыш Президентіміздің күніне орай 10-11 желтоқсан күндері білім алушыларға онлайн режимінде ұлы мақсатқа бастар жолдағы Елбасының арманға толы бал балалығы мен жалынды жастық өмірі қамтылған «Балалық шағымның аспаны» атты ғұмырнамалық фильмі көрсетілді. Режиссері: Рустем Абдрашов. Апта барысында «Тұғырың берік болсын, туған елім!» тақырыбында тәрбие сағаттары болып өтті. 2012 жылдың 11 желтоқсанында № 6 Хромтау гимназиясының жоғары сынып білім алушылары Хромтау ауданы Әділет басқармасының жетекші маманы Низарова Гүлмира Ерланқызымен кездесті. Кездесу барысында Гүлмира Ерланқызы «Тәуелсіздік-ел тұғыры» тақырыбында баяндама жасады. 12 желтоқсан күні «Тәуелсіз елімнің болашағы - жастар» тақырыбында 11 сынып білім алушыларымен өзін-өзі басқару ұйымының көшбасшыларымен кездесу болып өтті. Бұл кездесуде мектеп бітіруші түлектердің алға қойған мақсаттары тыңдалып, болашақта қандай мамандықты қалайтындығы туралы сұрақтар берілді. Тәуелсіздік күніне орай «Тәуелсіздік тұғырым» атты мерекелік сазды бағдарлама ұйымдастырылып, онда патриотизм тақырыбында әндер орындалды. Гимназия директоры білім алушылар мен ұстаздарды Тәуелсіздік күнімен құттықтады. Қазақстан Республикасының Президенті – Елбасы Н.Ә.Назарбаевтың «Қазақстан-2050» стратегиясы қалыптасқан мемлекеттің жаңа саяси бағыты» атты Қазақстан халқына Жолдауын насихаттауға байланысты жүргізілетін іс-шаралар жоспары бойынша кітапханашы Елеусизова Әлия жоғары сынып білім алушыларына 20 желтоқсан күні «Қазақстан -2050» – еліміздің индустриялық дамуының жаңа кезеңі» тақырыбында ақпараттық сағат өткізді. 24 желтоқсан күні 7-8сынып білім алушыларымен даңқты қолбасшы , қазақтың біртуар ұлы Бауыржан Момышұлын еске алу мақсатында «Ұлы қолбасшы Бауыржан Момышұлы» тақырыбында ерлік сағаты болып өтті. 10 қаңтар күні «Бұл біздің Гимн» атты патриоттық акция болып өтті. Бұл мереке мемлекеттік Гимн күніне орай өткізілді.Акцияға 5-11сынып білім алушыларымен қатар, ұстаздар қатысып, мемлекеттік Гимн орындалды. Аталған акцияның мақсаты жастарды қазақстандық патриотизмге, Қазақстан Республикасының рәміздеріне құрмет көрсетуге тәрбиелеу. 5ақпан күні «Ауған соғысы» тақырыбында «Құбылнама» ақпараттық клубының мүшелері ақпараттық бұрыш жабдықтады. Бұл шара 15 ақпан күніне орай жасалынды. 7 ақпан күні «Құбылнама» ақпараттық клубының мүшелері «Ауғанстан естеліктері» тақырыбында оқырмандармен кеш өткізді. Кештің мақсаты тұлғаны жоғары құлықтылық қасиеттерге, патриоттық сезімге тәрбиелеу. Оқушылардығ бойынан адамгершілік, еңбек сүйгіштік, әдептілік, Отан қорғау әр азаматтың қасиетті борышы екендігін оқушылар түсінігіне жеткізу. 8 ақпан күні оқушыларды туған жерін, Отанын сүюге, халқына адал қызмет етуге, достық, адамгершілік қасиеттерін, патриоттық сезімдерін дамыту мақсатында Ұланбасы Ғани Арайлым 10 сынып білім алушыларымен «Ерлік –ұрпаққа мұра» атты ерлік сағатын өткізді. 9 ақпан күні өзін-өзі басқару ұйымының ұйымдастыруымен Ауған соғысы ардагері Кулбаев Ерлан Мұхтарұлымен «Ауғанның от-жалыны» тақырыбында кездесу болып өтті. Кездесу барысында Ерлан Мұхтарұлы өзінің Ауған соғысында болған кездерін баяндап берді. 16 ақпан күні «Ер есімі – ел есінде» тақырыбында патриоттық әдеби-музыкалық кеш болып, онда патриоттық әндер орындалып, тақырыптық өлеңдер оқылды.Ақпан айында өткен аудандық гір көтеру сайысында Сембай Мейіржан ІІ орынға ие болды. 8-13 сәуір аралығында тәрбие жұмысының азаматтық-патриоттық, құқықтық және полимәдениеттік тәрбие бағыты бойынша «Ғарыш күніне» арналған тәрбие сағаттары, мерекелік іс-шаралар өткізілді. 9сәуір күні «Құбылнама» ақпараттық клубының мүшелері «Ғарышкерлер көктемі» атты ақпараттық бұрыш жабдықтады.10 сәуір өзін-өзі басқару ұйымының ұйымдастыруымен 9 сынып білім алушылары арасында «Ғарышқа жол ашқан күн» тақырыбында сайыс болып өтті. Сайыстың нәтижесінде 9а сыныбының «Космос» командасы жеңіске жетті. 11 сәуір күні бастауыш сынып білім алушыларымен «Ғарышқа сапар» тақырбында кеш болып, кеш барысында балалар өлеңдер оқып, ғарышкерлер туралы айтты. 12 сәуір күні өзін-өзі басқару ұйымының ұйымдастыруымен 12 сәуір дүниежүзілік космонавтика және авиация күніне орай 7сынып білім алушыларымен «Ғарыш әлеміне сапар шеккен ағалар» тақырыбында танымдық кеш өткізді. 1 мамыр – Қазақстан халқының бірлігі күні қарсаңында № 6 Хромтау гимназиясында «Жас ұлан» бірыңғай балалар мен жасөспірімдер ұйымының салтанатты жиыны болып өтті. Алдымен салтанатты жиында мемлекеттік Гимн орындалып, әр топтың топ басшылары жиынға дайындығы туралы мәлімет тапсырды. Салтанатты жиынның қонағы 90 жастағы соғыс ардагері Жұмағалиев Сәрсенбай ақсақал мен 16 білім алушы «Жас Ұлан» балалар мен жасөспірімдер ұйымына салтанатты түрде қабылданды.Сәрсенбай ақсақал балаларға дән ризашылығын білдіріп, батасын берді. Салтанатты жиынның соңында «Жас Ұлан» балалар ұйымының әнұраны орындалды. 30сәуір 1мамыр –Қазақстан халықтарының бірлігі күніне орай ақпараттық бұрыш шығарылды.Барлық сыныптарда мерекеге байланысты тәрбие сағаттары өтті. Осы күні мектепішілік «Мақсаттар бірлігі – рух бірлігі» атты фестиваль болып өтті. Фестивальдің ережесі бойынша әр сынып берілген ұлтты таныстырып, өнерін, тағамдарын ұсыну керек болатын. Тапсырманы барлық сынып өте жақсы орындап шықты . нәтижесінде І орынға 6а сыныбы, ІІ орынға 7а, 6ә сыныбы , ІІІ орынға 7ә, 5 сынып ие болып , гимназия директорының алғыс хаттарымен марапатталды. 1мамыр күні гимназия ұжымы аудандық фестивальға қатысып қазақ ұлтының салт дәстүрін насихаттап, жоғары деңгейде үздік өнер көрсетті. Ереже бойынша қазақ халқымен таныстырылып, ерулік асқа шақыру дәстүрі көрсетілді. Сонымен қатар «Қазақ елі осындай» әні орындалып, ұлттық тағамдары ұсынылды. Ұжым Хромтау ауданы әкімінің дипломымен марапатталды. Осы күні ұстаздар арасында «Көңілді эстафета» өткізіліп, ұстаздар командасы жүлделі І орынға ие болып, Хромтау ауданы әкімінің грамоталарымен марапатталды. 2 мамыр күні күні «Сұңқар» патриоттық клубының сарбаздары арасында « Күрең берет» сайысы болып өтті. Сайыстың мақсаты- білім алушылар бойында отансүйгіштік, елжандылық, патриоттық рухтарын көтеру, әскерге деген қызығушылықтарын арттыру, сонымен қатар, алғашқы әскери дайындықтарын шыңдау. 4 кезеңнен тұратын сынақта мергендер сайысы, автоматты уақытқа шашып жинау, сондай-ақ газ тұмылдырығын уақытқа кию, гір тасын көтеру, турникке тартылу бойынша жарысты. Нәтижесінде «Күрең берет» иесі 10сынып білім алушысы Бітімбаев Айбат иеленді. Осы күні 5-8сынып білім алушылары арасында «Сайыпқыран сарбаздар» атты саптық байқау болып өтті. Нәтижесінде І орынды 7ә сыныбы, ІІ орынды 6а сыныбы, ІІІ орынды 8ә сыныбы иеленді. Байқауға қатысушылар, сынып жетекшілер гимназия директорының алғыс хаттарымен марапатталды. 6 мамыр күні Отан қорғаушылар күніне арналған «Тәуелсіздік тірегі-айбынды қазақ әскері» атты жиын болып өтті. Бұл жиында гимназия директоры Мукашева Гүлмараш Орынбасарқызы ұжымды,сонымен қатар «Сұңқар» патриоттық клубының сарбаздарын мерекемен құттықтап, аудандық байқауда жақсы жетістіктерге жетулеріне сәттілік тіледі. Күрең берет иегері марапатталды. 6 мамыр күні өткізілген аудандық патриоттық клубтар арасындағы байқауда «Сұңқар» патриоттық клубы жүлделі І орынға ие болды. Тимуршылар тобы соғыс ардегрелері Жумагалиев Сәрсенбай мен Медеткалиев Габдулманды Ұлы Жеңіс мерекесімен құттықтап, мерекелік сыйлықтар табыстады. Мереке қарсаңында «Құбылнама» ақпараттық клубының мүшелері «9мамыр- Жеңіс күні» атты ақпараттық бұрышты жабдықтады. 9 мамыр күні мектеп ұжымы аудандық шараға қатысып, ескерткіш басына гүл шоқтарын қойды. «Сұңқар» патриоттық клубының сарбаздары құрметті күзетке тұрып, саптық шеруге қатысты. Соңғы қоңырау салтанатты жиынына аудандық білім, дене шынықтыру және спорт бөлімінің бастығы Сейдоллаев Талғат Амангелдіұлы қатысты. Осы оқу жылының қорытындысы бойынша ұстаздар, білім алушылар мақтау қағаздарымен марапатталды.
Жалпы мектеп бойынша әлеуметтік көмекке мұқтаж оқушылардың құжаттары, ата-аналарының өтініштері бар. Көмекке мұқтаж оқушылар тізімін арнайы құрылған комиссия отырысында қаралып, бекітілген. 2012 – 2013 оқу жылдың басында №6 Хромтау гимназиясында әлеуметтік аз қамтылған оқушылардың тізіміне 26 оқушы тіркелді, оның ішінде 2 оқушы мүгедек, 3 оқушы ата-анасының қамқорлығынан айырылған, 13 оқушы көп балалы отбасынан шыққан. Қыркүйектегі «Жалпыға бірдей білім беру» айлығында «Мектепке жол» акциясы ұйымдастырылды. Акцияның мақсаты: мектеп жасындағы балаларды мектепке тарту, қараусыз, ата-ананың қадағалауынсыз қалған балаларды анықтау ішімдікке салынып,жалданып жұмыс жасау жағдайларының алдын алу болды. Мектеп әкімшілігі, сынып жетекшілері, ата-аналар құрамы және жасөспірім инспекторларымен бірлескен күн көріci төмен отбасылары үйлеріне, шаруашылықтарға, базарларға, автобекетке, түнгі ойын-сауық мекемелеріне кесте бойынша рейдтер жасалынып тұрды. 2011-2012 оқу жылында рейдтің нәтижесі бойынша 1-ші қыркүйектен бастап сабақтан қалыс қалған, қаңғып, бос жүрген жасөспірімдер анықталған жоқ. Шағын аудан бойынша барлық мектеп жасындағы бала мектепке тартылды. «Мектепке жол» акциясына арнайы стенд жабдықталып, жұмыс жоспары жасалынды. Гимназияда білім алатын аз қамтылған отбасынан 10 бала аудандық бюджеттен киім алуға 65 000 теңге қаражат бөлінді. Сонымен қатар акцияға ұстаздар , ата-аналар демеушілік жасауда. Алғаш болып ата-аналар арасынан Абдрахманова Шолпан Құдайбергенқызы «Аяжан» дүкенің иесі 2 оқушыны Қожабергенова Гүзель 4 кл және Күзенбай Гүлнұр 7 кл оқушыларын толық киімдерін алып берді. Демеушілік көрсеткен «Берік» дүкеннің иесі Ысқақ Гүлнар Орынбасарқызы 3 оқушыны 50000 теңге көлемінде киіндірді. Олар: Орысбек Ж. 8 кл, Утегалиева Р. 7 кл, Раисова А. 7 кл. Гимназия директоры Мукашева Г.О аз қамтылған 10 кл оқушысы Күзенбай Ернұрды 10000 теңгеге киіндірді. «Азамат-Аманат» дүкеннің иесі Баймукашева Самал Ерболатовна 3 оқушыны 50000 теңгеге киіндірді. Олар: Таубаев Е. 9 кл, Таубаев Ж. 8 кл, Бекен Е. 9 кл. «Айгерім» дүкенінің иесі Досумова Светлана Болатовна «Отбасы үлгісіндегі балалар үйінің тәрбиеленушісі» Бекен Ерланды жаңа оқу жылында 40 000 теңгеге киіндірді. «Алмас» құрылыс дүкенінің иесі Абдуалиев Алдан Сатыбалдыұлы мектептің үш оқушысын 30 000 теңгеге киіндірді. Олар: Қадырбай Гүлсезім 7 кл, Тыныштықбаева С 4 кл, Битимбаев А 10 кл.Барлығы 10 оқушы 205 000 теңгеге киіндірілді. №6 Хромтау гимназиясында 1-4 сынып оқушыларына және аз қамтылған оқушыларға тегін ыстық тамақ ұйымдастырылды. «Білім туралы» Қазақстан Республикасы Заңының 6-бабы 19-тармағына сәйкес жергілікті өкілетті органдар Қазақстан Республикасы заңдылықтарымен қарастырылғандай жекелеген санаттағы оқитындар үшін жеңілдетілген және тегін тамақты ұйымдастырды. Қазіргі заманғы мектеп оқушыларының өсуіндегі жоғары жылдамдық пен ақпараттық, психоэмоционалдық және ақыл-ой жүктемесінің күн санап артуы, әсіресе белок, витаминдер мен микроэлементтер сияқты тағамдық заттектердің жеткілікті мөлшерінің тамақ арқылы тұрақты түсіп отыруын талап етеді. Осыған байланысты мектеп оқушыларының құнарлы тамақтануы– мектеп бағдарламаларын жақсы меңгеру сапасын анықтайтын, толыққанды дене бітімі мен ақыл-ой дамуына қажетті жағдай жасайтын және өскелең ұрпақтың денсаулығының негізін қалайтын білім беру үрдісінің міндетті элементі болып табылады. Сол себепті 1-4 сынып оқушылары 100 % тегін тамақтанады, оның ішінде 7 оқушы аз қамтылған, ал 5-11 кл арасында 19 оқушы тегін тамақтанады. Қазан айында «Мейірімді жүрек» атты қамқоршы және аз қамтылған ата-аналарға арналған дөңгелек үстел өтті.Мақсаты: қамқоршы ата-аналардың бойында мейірімділік қасиетін дамыту, балаларға деген сүйіспеншілікті арттыру, тиімді тәрбие стилін меңгерту, қайтымды жағымды байланыс алу. Қазіргі таңда өмір қарама-қайшылықтар мен өкініштерге толы, әр күн сайын біз адамдардың бір біріне деген салқын жүзділік танытуымен кездесеміз. Бірақ сіздерде отбасы бар, ол отбасыда сізбен не болса да әрдайым естерінде ұстайды, кешіреді, күтеді. Дәл отбасыда біздер махаббатқа, жауапкершілікке, қамқоршылыққа және құрметтеуге үйренеміз. Психолог Сарсенгалиева М.Т ата-аналарға «Мейірімді жүрек» тренингін өткізді. Ата-аналар тренингке белсене қатысты және балалардың әр түрлі мәселелері талқыланды.Қараша айында аз қамтылған оқушылардың оқу үлгерімі, сабаққа қатысымы, бос уақыты тексерілді. Барлық оқушының үлгерімі қанағаттанарлық, сабаққа қатысымы жақсы, спорттық, қолөнер, пәндік үйірмелерге қатысады. Желтоқсан айында Ақтөбеде өткен Президенттік шыршаға Утегалиева Римма 7 кл, Раисова Акмарал 7 кл және Тыныштықбаева Салиха 4 кл оқушылары қатысып, үшеуі де сыйлыққа ноутбук алды. Аз қамтылған, мүгедек, жетім балалар әкім шыршасына қатысты. № 6 Хромтау гимназиясының 2012-13 оқу жылы бойынша әлеуметтік төлқұжаты
Мектеп асханасында тегін ыстық тамақ ұйымдастыру №6 Хромтау гимназиясында білім алушылар саны -461. Оның ішінде аз қамтылған отбасы балалары саны-26. Бастауыш сыныпта оқитын білім алушылар саны-206 толық ыстық тамақпен қамтылды. Асхананың кезекшілік кестесі құрылып, белгіленген уақыт бойынша білім алушылар уақытында тамақтанды. Қалған білім алушылар ата-аналар есебінен буфеттік түрде, немесе ыстық тамақ алып ішеді. Бастауыш сынып білім алушылары мен аз қамтылған отбасы балаларын тегін ыстық тамақпен қамтуға байланысты гимназия директорының бұйрығы шығарылған. Білім алушыларды ыстық тамақпен қамтуға байланысты жұмыс жоспары құрылған. Қазақстан Республикасының денсаулық сақтау саласын дамытудың 2011-2015 жылдарға арналған «Саламатты Қазақстан» мемлекеттік бағдарламасын жүзеге асыру жөнінде іс-шаралар жоспары аясында, Денсаулық сақтау министрлігінің 2011 жылғы 1наурыздағы №106 бұйрығына сәйкес, халықтың дұрыс тамақтану туралы ақпараттану және білім алу деңгейін арттыру, дұрыс тамақтану дағдыларын үйрету мақсатында, 2012 жылдың 15-24 қазан аралығында Дүниежүзілік дұрыс тамақтану күніне орай онкүндік жұмыс жоспары құрылып, іс-шаралар өткізілді. Ұраны: Салауатты тамақтану – салауатты өмір салты негізі. Мақсаты: білім алушылардың салауатты, тиімді тамақтану, салауатты өмір салтын ұстану жайлы ақпараттануларын арттыру. 15 қазан күні жоғары сынып білім алушыларымен «Адам денсаулығының басты арқауы, салауатты өмiр сүрудiң басты шарты – дұрыс тамақтану» тақырыбында дөңгелек үстел болып өтті. Дөңгелек үстел басына 8-10 сынып білім алушыларымен балалар дәрігері, медбике, сынып жетекшілер жиналды. Балалар дәрігері Алтаев Абилқасым: «Тәжірибе бойынша, әрбір екі өлімнің біреуінің өмірін дұрыс тамақтануға байланысты сақтап қалуға болады. Бұл әсіресе, 50 жастан асқан адамдарға қатысты. Осы қауіптің алдын 40-тан 50 пайызға дейін тек тамақ арқылы алуға болады. Сондай-ақ, сүйек сынғыштық, қант диабеті аурулары, бәрі айналып келгенде, «ас - адамның арқауына» байланысты болып отыр.»-деді. Ал медбике Хасенова Ақтенге тамақтану - адамның тіршілік етуінің басты шарттарының бірі екендігіне тоқталды. Химия, биология пәні мұғалімі Райымбаева Мейрамгүл қан қысымының көтерілуіне бірден-бір себеп ас құрамындағы тұздың шамадан тыс көп болуынан екендігін түсіндірді. Өзін-өзі басқару ұйымының денсаулық министрі Алихан Дина тамақтану режимін сақтап, дәруменге бай азық-түліктерді мейлінше көбірек тұтынып, байытылған ұннан жасалған тағамдарды тұтынып, қимыл қозғалысты арттырып, жүйке жүйесін болмашы жағдайларға байланысты қоздырмай, дене шынықтырумен айналысып, зиянды әдеттерге әуестенбей, салауатты өмір салтын берік ұстануға шақырды. Ұланбасы ғани Арайлым соңғы деректерге сүйненіп Қазақстан ана мен бала өлімі санынан 87 орында тұрғандығын, осының барлығы түптен келгенде, ұтымды тамақтанбаудың кесірінен екендігін айтып өтті. 16 қазан күні 5-11 сынып білім алушыларынан «Дұрыс тамақтанып жүрміз бе?» атты ауызша сауалнама жүргізілді. 17 қазан күні 8-9 сынып білім алушыларымен «Энергетикалық сусындар: пайдасы мен зияны» тақырыбында балалар дәрігері Алтаев Абилқасым семинар өткізді. Семинардың мақсаты: жасөспірімдердің энергетикалық сусындардың ағзаға зиян дығы жайлы ақпараттануларын арттыру, салауатты өмір салтын насихаттау. Семинарда энергетикалық сусындарға түсінік берілді. Шараға барлығы 60 білім алушы қатысты.18 қазан күні 6-7-8 сыныптың ер балалары арасында «Шебер аспаз» сайысы өткізіліп , нәтижесінде І орын- Мақсұт Әмірхан;ІІ орын-Жұбандық Жасұлан; ІІІ орын-Ұзақбаев Асылхан иеленді. Сайысқа қатысушылар гимназия директорының грамотасымен марапатталды. 19 қазан күні бастауыш сынып білім алушылары үшін медбике Хасенова Ақтенге «Дұрыс тамақтанудың қағидалары»тақырыбында , 20 қазан күні ұстаздар үшін «Семірудің алдын алу» тақырыптарында дәріс сабақтар оқыды. 22 қазан күні 10-11 сынып білім алушыларымен «Айран ішкен сауығар…» тақырыбында пікіралысу өтті. Яғни айранның адам ағзасына пайдасының қаншалықты екендігі туралы айтылып, өзара пікір аламасты. Толығырақ айтқанда айран көздің көру қабілетін арттырады. Құрамындағы А дәрумені тері қабатының жұмсақ әрі әдемі болуын қамтамасыз етіп отырады.Айран құрамы мен қасиеттері бойынша сүтке ұқсас. Бірақ ұйытылғаннан кейін құрамы өзгеріп, пайдалы бактериялардың саны артады. Медицина тілімен айтқанда олар ағзаға пайдалы бактериялар. Ағзамызда қордаланған зиянды бактерияларды жойып, иммундық жүйемізді нығайтуда бұл бактериялардың пайдасы зор. 23 қазанда 5-7 сыныптар арасында «Дәмді тағамдар әлемінде»атты сайыс болып өтті. Сайыстың нәтижесінде І орын-7ә сыныбы, ІІ орын-6а сыныбы, ІІІ орынға -7а сыныбы ие болды. 5 сыныптар белсене қатысқаны үшін марапатталды. 24 қазан күні медбике Хасенова Ақтенге 5-7 сынып білім алушылары үшін «Дәрумендердің маңызы» ттақырыбында дәріс оқып, балаларға көптеген деректер берді. 24 қазан күні бастауыш сынып білім алушылары арасында «Дәмді және тез» сайысы өткізіліп, нәтижесінде:І орын-1ә, 2а сыныптары;ІІ орын-3ә, 4а сыныптары; ІІІ орынға 2ә,6а, 4ә сыныптары иеленді. Сайысқа қатысушы сыныптар гимназия директорының грамотасымен марапатталды. Апта барысында білім алушыларды салауатты өмір сүруге бағыттау мақсатында тоғызқұмалақ, шахмат ойындары бойынша сайыстар өткізілді. Жеңіске жеткен білім алушылар мақтау қағаздарымен марапатталды.Қараша айында 5-6сынып білім алушылары «Таңғы ас» атты фото альбомдар дайындады. 15 ақпан күні «Дұрыс тамақтану әдебі және салауатты өмір сүру» тақырыбында дөңгелек үстел болып өтті. Дөңгелек үстел басында диет медбике Хасенова «Дұрыс тамақтану әдебі» туралы өз ойын ортаға салды. Балалар дәрігері Алтаев Абилқасым қазіргі таңда адамдардың, оның ішінде балалардың да аурушаңдығы мен өлім-жітімінің негізгі себебі дұрыс тамақтанбау мен кем қимылдау тұрмыс салтында болып отырғандығына тоқталды. Ақтөбе облысы білім басқармасының 2013 жылғы 19 наурыздағы № 2-1069, Хромтау аудандық білім, дене шынықтыру және спорт бөлімінің 29.03.13 жылғы №483 хатына сәйкес 1-10 сәуірде тамақтандыру ісін ұйымдастыруды жетілдіру мақсатында онкүндік өткізілді. Онкүндік барысында «Денім сау болсын десең-спортпен шұғылдан!» тақырыбында 1-5сынып білім алушыларымен суреттер байқауы болып, үздік жұмыстар аталып, гимназия директорының мақтау қағаздарымен марапатталды. «Дені сау ұрпақ-еліміздің болашағы» ұранымын бастауыш сынып білім алушылары арасында «Көңілді мәре», 9-11сынып білім алушылары арасында гір көтеруден жарыстар ұйымдастырылды. Гір көтеруден оза шыққан білім алушылар аудандық гір көтеруден өткізілген жарысқа қатысып, команда бойынша жүлделі ІІ орынға ие болды. Онкүндік барысында 1сыныптарда «Дәрумендер-денсаулық кепілі», 2сыныптарда «Көкөністердің пайдасы», 3сыныптарда «Дұрыс тамақтану»,4сыныптарда «Дұрыс тамақтану дәстүрі, аурудан қорғап, өміріңді ұзартады», 5сыныпта «Нені жеу керек?», 6сыныптарда «Тамақтану және менің денсаулығым», 7сыныптарда «Дұрыс тамақтану дәстүрі» тәрбие сағаттары, 8сыныптар арасында «Шайдың пайдасы мен зияны» тақырыбында дебат, 9сыныптар «Денсаулық- терең бақыт» тақырыбында қойылым, 10сыныпта «Әдеттен дертке айналмасын» дөңгелек үстел, 11сыныпта «Денім сау болсын десең...» ток шоу өткізілді. 3сәуір күні «Құбылнама» ақпараттық клубы «Дұрыс тамақтану-денсаулық кепілі» ақпараттық бұрыш шығарды. Медбике Хасенова Ақтенге жоғары сынып білім алушыларына «ХХІ ғасырдағы тамақтану» тақырыбында дәріс оқып, дұрыс тамақтану жолдарын түсіндірді. Медбике Утебаева Жанна білім алушылар, ұстаздар, ата-аналардан «Дұрыс тамақтанып жүрміз бе?» деген сауалға сауалнама жүргізіп, нәтижесінде 63% -дұрыс тамақтанып жүрміз десе, 37%-дұрыс уақытылы тамақтанбайтындықтарын айтты.
Ұсыныс: 1.ҚР үздіксіз білім беру жүйесіндегі тәрбие тұжырымдамасы, білім беру ұйымдарында оқыту процесінің тәрбиелік құрамдасын күшейту жөніндегі үлгілік кешенді жоспары, Хромтау аудандық білім, дене шынықтыру және спорт бөлімінің 2013-2020 жылдарға арналған бағдарламасын негізінде жүргізілген жұмыстарды қорытындылай отырып, гимназияның тәрбие жұмысының іс- тәжірибесін жинақтау, әдістемелік құрал даярлау және баспаға ұсыну. 2.Аталған тәрбие жұмысы тақырыбы жалғастырылсын. Үздік класс жетекшілер гимназияішілік марапаттауға ұсынылсын. 3.Тәрбие жұмысы бойынша 4 Ә сыныбын «Тәрбие және әлеуметтендіру » тақырыбындағы облыстық эксперименттік алаң ретінде алу. Орындаған: Жасағанбергенова Б.И Каталог: images -> doc doc -> 6 Хромтау гимназиясы тәрбие жұмысының жылдық жұмыс жоспары Азаматтық-патриоттық, құқықтық және полимәдениеттік тәрбие doc -> Мазмұны Қазақстандағы жоғары білім, Ғылым және МӘдениет doc -> Мазмұны Қазақстандағы жоғары білім, Ғылым doc -> Негізгі орта білім беру деңгейінің ОҚу пәндері бойынша үлгілік тақырыптық жоспарлары doc -> Тәлімгер портфолиосын құрудың негізгі принциптері doc -> Галилео Галилей Физик или астроном? Сначала давайте посмотрим его краткую биографию… Галилео Галилей doc -> 6 Хромтау гимназиясының әлеуметтік педагогтың 2013-2014 оқу жылына арнаған жұмыс жоспары жүктеу/скачать 0,65 Mb. Достарыңызбен бөлісу:
|