Толық жауапты қажет ететін тапсырмаларды бірнеше сөйлем, түсініктемелерді, сызбаларды немесе бірнеше кезеңнен тұратын дәлелдеулерді келтіре отырып орындау қажет.
19
Жалпы, ашық тапсырма құрастыру барысында келесі талаптарға назар аударған жөн:
Тапсырманы, сұрақты анық және түсінікті түрде тұжырымдаңыз.
Сұрақты ақпараттық және сұраулы бөлікке бөліңіз.
Оқушының мәдениет, жас ерекшеліктерін және ақпараттың өзектілігін ескеріңіз, яғни тапсырма оқушылар ұғатын түсінікті тілде берілуі қажет.
Тапсырмаға белгіленген жалпы балл мөлшерінің жауап бөліктеріне қалай үлестірілетінін көрсетіңіз.
Құрастырылған тапсырмалар мен жауап үлгілерін бағалауға әріптестеріңізді тартыңыз. Қажет болған жағдайда құрастырылған тапсырманы түзетіңіз, өзгеріс енгізіп, толықтырыңыз
21
Оқушылардың математикалық сауаттылығын дамыту сұрағын қарастырайық.
Жаңартылған білім беру бағдарламасы мазмұнында оқушылардың теориялық білімін практикада қолдана білуіне басымдық берілген. Бұл оқушылардың математикалық сауаттылығын дамытумен байланысты.
Математикалық сауаттылық PISA халықаралық зерттеуінде бағаланатын оқушылардың функционалдық сауаттылығының бір бағыты болып саналады.
Мектеп қабырғасында оқушылардың математикалық сауаттылығын дамыту мұғалімдер үшін маңызды міндет болып табылады.
