Курс барысында барлық іс-әркетімді жаңаша форматта ұйымдастыруды қолға алдым. Курстың жылдық жоспарын аптасына – 1 сағат, жыл бойы - 34 сағаттык етіп құрастырдым. Жалпы 5 бөлімге бөліп қарастырдым.
Жетісай ауданы адами әлеуетті дамыту бөліміне қарасты
Бірінші бөлімде – Ы. Алтынсариннің өнер-білім еңбек тақырыбындағы шығармаларын қарастырсақ, екінші бөлімде адамгершілік тақырыбындағы әңгімелерін талдауды жоспарладым. Ал, үшінші бөлімі табиғат лирикасына арналып, төртінші бөлімде аудармаларымен таныса отырып соңғы бөлімде жыл бойына алынған білімді қорытындылау мақсатында «Ыбырай Алтынсариннің мұрасы» деп әзірледім.
Элективті курстың жоспарын әзірлегенде менің кездескен кедергім – балаға ұсынатын ресурсым болмады. Осы олқылықтың орнын толықтыру мақсатында «Ыбырайтану» элективті курсының тиімді қосымшасы – хрестоматия оқулығын құрастырдым.
Буктрейлер – бұл бұрынғы кітап көрмелерін алмастырып отырған заманауи әдіс.
Ұзақтығы 3 минуттан аспайтын өте сапалы әзірленген роликті көрген адамда сол сәттен-ақ ұсынылған көркем шығарманы оқып шығуға қызығушылығы артатыны дәлелденді.
Сөзімнің қорытындысын Ахмет Байтұрсыновтың пікірімен аяқтағым келеді. Ол: «Ең әуелі мектепке керегі – білімді, педагогика, методикадан хабардар, жақсы оқыта білетін мұғалім» деген.
Шын мәнінде мұғалім өз сабағын әдістемелік тұрғыдан шебер ұйымдастырып, өзінің алдына қойған оқу мақсаттарын табысты түрде жүзеге асырса, оқушының алған білімі сөзсіз өз нәтижесін береді.
ҰСЫНЫС
Оқушылардың өздігінен білім алу дағдысын жетілдіретін ақпараттық кеңістікті дұрыс пайдалану мүмкіндіктерін ашатын танымдық портал ашу;
Әрбір білім беру ұйымдарында «Ыбырайтану» элективті курсын оқушының таңдау пәндері есебінен ұйымдастыруды қолға алу;
Оқушылардың бос уақытын мектеп қабырғасында тиімді ұйымдастыру үшін, шығармашылық әлеуетін көтеру үшін, түрлі зерттеушілік үйірмелеріне еркін қатысуы үшін мектепте қосымша білім беру педагогтарының үлесін арттыру;
Оқушылар өзінің алған білімін өмірде пайдалана білу үшін, берілген ақпараттың қажеттілігін ажырата білуі үшін қосымша дебаттық клубтар санын арттырып, Ыбырай Алтынсарин әңгімелеріндегі өзекті де өміршең тақырыптар аясында пікірталас сайыстарын ұйымдастыру;
Жас ыбырайтанушыларды қолдау мақсатында қазақ тілі мен әдебиеті бағыты бойынша «Өнер-білім бар жұрттар» атты Ыбырай Алтынсариннің шығармашылығын зерттеуге арналған жас зерттеушілер байқауын ұйымдастыру.
