Қажетті құрал-жабдықтар мен реактивтер: Ыстыққа төзімді шыныдан жасалған 3 стакан, қыздырғыш аспап, (электр плитасы), ұзындығы 12-15 см ағаш немесе шыны таяқша, суға төзімді металл үлгісі, технохимиялық таразы.
Бір грамм затты бір градусқа қыздыруға қажетті энергия мөлшері меншікті жылу сыйымдылық (С) деп аталады. Осыған сәйкес 1 моль затты бір градусқа қыздыруға қажетті энергия мөлшері молярлық жылу сыйымдылық (СМ) деп аталады. Демек, молярлық жылу сыйымдылық меншікті жылу сыйымдылықтың молярлық массаға көбейтіндісіне тең:
СМ=СLМ (1)
Дюлонг және Пти ережесіне сәйкес көптеген қатты заттардың молялық жылу сыйымдылығы 26 Дж/градLмоль тең.
СМ=СLМ= 26 Дж/градLмоль (2)
Осылайша металдың меншікті жылу сыйымдылығын өлшегеннен кейін оның молярлық массасының жуық мәнін есептеуге болады:
М=26/С г/моль (3)
г/моль өрнектелген молярлық масса элементтің салыстырмалы атомдық массасына тең болады, яғни металдың салыстырмалы атомдық массасының жуық мәнін есептеуге болады. Жай заттың молярлық массасының жуық мәнін оның эквивалентінің табылған немесе белгілі мәніне бөле отырып аламыз:
М/М(fэкв(Ме)Ме)=n (4)
