Ұйымдастыру кезеңі Психологиялық дайындық Оқушылармен амандасу, қатысуын түгендеу.
Психологиялық көңіл күй тудыру «Мен басқаның көзімен» Сабақ тақырыбы мен мақсаты, бағалау критерийі таныстырылады.
1-тапсырма Сөздікпен жұмыс
Әулие – 1) құдай жолын қуып, дін уағыздаушы адам; 2) айтқаны келетін сәуегей адам; 3) ауысп. қадірлі, қасиетті; 4) ауысп. бір нәрсенің ең жақсысы, тәуірі, қымбаты.
Мәшһүр – аты әйгілі, даңқты. Қисса – ауыз әдебиетіне тән сюжетті жыр, дастан.
Биуатан – панасыздар үйі
Жад – адам баласына тән ой, ес, ақыл, қапер. Бұл жерде:жад етті деген құлшылық етті, жалынды, сиынды деген.
Месел – көңіл, пейіл, ниет, қалау, яғни, өз ұсынысы деген мағынада.
Берен – 1) қымбат, асыл мата; 2) осы матадан тігілген киім; 3) белбеу; 4) пышақ сияқты қару; 5) әскери қызметшілердің жекелеген нысандарының қорғаныс жарағы;
6) ұңғысы ұзын шиті мылтық; 7) ауыспалы мағынада батыр, ер деген. Бұл жерде : алтыншы мағынада.
Сыбаға-бұл сөздің мағынасы көп. Бұл жерде: соғыстан түскен олжаны сарбаздарға бөліп беру.
Білте – 1) шамның жанатын жерін майға салып тұру үшін мақта не матадан жасалған тілше;
2) ертерек кезде қаруды тұтандыратын зат; 3) ойыққа, қуысқа, тесікке, яғни, жарақатқа салу үшін мақта не матадан жасалған тілік; 4) сына, яғни қатты тілше; 5) тас, бетон бұрғының ұшына салынатын темір тілікше. Бұл жерде: білте мылтық - қару