Сабақ түрі: Жаңа сабақ Сабақ әдісі : «Топтастыру» стратегиясы, «Ой қозғау» стратегиясы, «Кубизм» стратегиясы,



Дата25.03.2017
өлшемі1.2 Mb.
түріСабақ
Тақырыбы: Еліміздің Мемлекеттік рәміздері

Мақсаты:

Мемлекеттік рәміздер туралы білімдерін молайту.Мемлекеттік рәміздерді ерекше құрметтеп,мақтан тұту керектігін сезіндіру.



1. Білімділік: Қазақстан елінің рәміздері жайлы айта отырып, оқушыны түсініп оқуға, ойын жеткізе білуге үйрету;

2. Дамытушылық: Өз ойын жүйелі жеткізе білу қабілетін дамыту. Сөздік қорын , ой өрісін дамыту.

3.Тәрбиелік: Отаншылдық, ұлтжандылыққа, өз елін, тегін, тарихын сүюге тәрбиелеу.

Көрнекілігі: интерактивті тақта, суреттер, парақшалар.

Сабақ түрі: Жаңа сабақ

Сабақ әдісі: «Топтастыру» стратегиясы, «Ой қозғау» стратегиясы, «Кубизм» стратегиясы,«Синвейн»

Сабақтың барысы:

1. Психологиялық дайындық..

Барлығы тақтадағы күнге қарап өлеңді оқиды.

Күн жарығын алақанға саламын,

Жүрегіме басып ұстай қаламын.

Ізгі әрі нәзік, жарық, мейірімді,

Болып кетер сонда дереу жан - жағым.

- Міне, жүрегіміздегі осындай жылумен сабағымызды бастаймыз.

Әр топқа берілген «Астана» тақырыбында ғы эссені оқыту.



І.Қызығушылықты ояту. Сұрақтар беріледі.

- Сонымен біздер қандай мемлекетте тұрып жатырмыз?

- Қазақстан Республикасының астанасы қай қала?

- Қай жылы Астананың мерей тойы аталды?

- Ендеше балалар бәріміз мына сөзжұмбаққа көңіл аударайық

«Ой қозғау» стратегиясы. Сөзжұмбақ шешу

«РӘМІЗДЕР»

1. Астанадағы биік мұнара

2. Юнеско Астанаға қандай қала атағын берді?

3. Қазақстанның жер асты байлығы..

4. Астана қаласындағы өзен..

5. Мағжанның алғашқы ұстазы..

6. Абайдың әжесі..

7. Қазақ даласының алғаш мектеп ашқан ағартушы..

8. Қазақстан Республикасы қандай мемлекет?

ІІ.Мағынаны тану

- Қандай сөз шықты?

Ендеше бүгінгі жаңа сабағымыздың тақырыбы: «Еліміздің мемлекеттік рәміздері»

- Рәміз дегенді қалай түсінесіңдер? «Топтастыру» стратегиясы




Рәміз

ТОППЕН ЖҰМЫС

Әр топ интерактивті тақтаға шығып алдын - ала дайындалған суреттермен байланыстыра отырып жұмыстарын қорғайды.

І - топ жұмысын қорғайды.



Ту - бірыңғай көгілдір түс. Бұл түс төбедегі ашық аспанды елестетеді. Бұлтсыз аспан бейбітшілік, тыныштық пен жақсылық нышаны Көк түс – қазақ халқының бірлік ынтымақ жолында адалдығын білдіреді. Нұрға малынған алтын күн - тыныштық пен байлықты бейнелейді. Күн қозғалыс, даму, өсіп - өркендеудің бейнесі. Қанатын жайған қыран құс - елдің еркіндік сүйгіш асқақ рухын, қазақ халқының жан дүниесінің кеңдігін жария етеді. Ағаш сабына бекітілген тұстағы тік жолақ - ұлттық оюлармен өрнектелген. Қазақстан Республикасы мемлекеті туының авторы: Шәкен Оңдасынұлы Ниязбеков.

Жаңа ту қалай жасалды? Қазақстан Республикасы өз тәуелсіздігінің мерекесіне орай ұлттық нышанымыз - Мемлекеттік тудың авторы Шәкен Оңласынұлы Ниязбеков былай деді: « Мемлекеттік туға арналған байқауға 600 - ден астам жоба түсті. Іріктеуден өткен ең соңғы 4 жоба комиссияның шешімімен Жоғарғы кеңестің талқысына ұсынылды. Байқаудың аяқталуына 3 күн қалғанда жаңа ту жобасын жасауға кірістім. Себебі, алдыңғы жасаған жобаларыма көңілім толмаған - ды. Сонымен, соңғы жасаған жоба жұртшылықтың көңілінен шығып, мемлекетіміздің төл туына айналды. Қазақстан туы халықаралық жиындармен бас қосуларда, Республика президентінің шет елге шыққан сапарында көтерілген сайын мені « біздің қазақ халқының туы» деген мақтаныш сезім билейді..

ІІ - топ жұмысын қорғайды



ҚАЗАҚСТАН РЕСПУБЛИКАСЫНЫҢ МЕМЛЕКЕТТІК ЕЛТАҢБАСЫ