1.Атаның тапсырмасы. (Тапсырма қоржындағы асықтарда жасырылған)
Атаның сөзі: «Айналайын, боталарым, мен сендерге жұмбақ жасырғалы тұрмын, сол жұмбақтың шешуін табады деп сендерге сенемін»
Тапсырма: жұмбақтың шешуін табыңдар.
Маған да, саған да
Жақын туыс бес адам
Үш әріптен тұратын
Оңға оқы, солға оқы
Өзгермейді ешқашан
Бәрі де өз жұртың
Айтады, қане, кім атын?
(Жауап: аға, іні, апа, ана, ата)
2.Әженің тапсырмасы. (алтын сандықта жасырылған)
Әженің сөзі: «Құлындарым менің, сендер отбасы туралы қандай мақал-мәтелдер білесіңдер?»
Тапсырма: отбасы туралы мақал-мәтел айту.
1.Ағасы бардың жағасы бар,
Інісі бардың тынысы бар.
2.Отан – отбасынан басталады.
3.Әке – бәйтерек, бала – жапырақ.
4.Ана көрген – тон пішер,
Әке көрген- оқ жонар.
5.Балапан ұяда не көрсе, ұшқанда соны ілер.
6.Тату үйдің тамағы тәтті.
7.Ана алдында – құрмет,
Ата алдында – қызмет.
Достарыңызбен бөлісу: |
