Сонымен, тірек-сызбаларды пайдаланудың артықшылықтары:
оқушының теориялық білімін жүйелі түрде қалыптастырады, жинақтайды, тиянақтайды;
оқушының ой-өрісін дамытады, ойлау, есте сақтау қабілеттерін арттырады;
оқушының өз ойын дәл, қысқа, көркем, таза тілмен жеткізе білуге үйретеді;
оқушының шығармашылық қабілеттерін арттырады, ізденуге үйретеді;
пәнге деген қызығушылығын арттырады.
Тірек-сызбаларды жүйелі пайдалану – пәннің ерекшелігін ескеріп, тақырыптағы негізгі ұғымдарды меңгеріп, ойлау қабілетін дамытып, оқу материалын тез меңгеріп, үнемделген уақытты оның іскерлік мақсатына жұмсауына мүмкіндік береді.
Тірек-сызбалары – көптеген мұғалімдер үшін оңтайлы оқыту құралы. Барлық педагогикалық әдіс-тәсілдер оқушының танымдық әрекетін қалыптастыруға, оқу материалын ой елегінен өткізіп, өңдеуге, алған білімдерін іс жүзінде қолдана білуіне, тиянақтауына бағытталуы керек. Тірек-сызбаларын қолданғанда жұмыс уақыты үнемделеді. Үнемделген уақыт жаттығулар орындауға, қиын тапсырмаларды орындауға жаттығуға, өткен тақырып көлемінде оқушылар білімін тексеруге қолданылады. Тірек-сызбаларын жаңа материалды түсіндіруде, оны бекітуде, сыныптан-сыныпқа көшу, қорытынды бақылауына әзірленуде, бірыңғай ұлттық тестілеуге әзірленуде және білімді бақылау мен күнделікті бақылауда қолдануға болады. Мұғалім өз міндетін тек оқыту, түсіндіру емес, ең алдымен оқушылардың оқу еңбегін танымдық оқу іс-әрекетін сауатты ұйымдастыру, басқару деп білуі тиіс
Әдебиеттер
1. А.Қ. Бекболғанова Жаңа педагогикалық технологиялар, Оқу құралы. –Талдықорған: І.Жансүгіров атындағы ЖМУ, 2013. 121 б.
2.Шаталов В. Ф. Точка опоры. М., Педагогика, 1987.
3. Шаталов В. Ф. Эксперимент продолжается. М., Педагогика, 1989.
Достарыңызбен бөлісу: |
