1. «Үш қадамды сұхбат» стратегиясын қолдану. Бұл әдісті қолдана отырып оқушылар жұптасып, бір-біріне сұрақ қойып, сұхбаттасады. Нәтижесінде
- Мәтін бойынша бір-біріне сұрақ дайындайды;
- Пікірлерін айтады;
- Мәтін бойынша негізгі ақпаратты анықтайды
2. «Түсіндірме күнделік» әдісі. Оқушылар эпизодтарды тауып, анықтаған эпизодтарын байланыстыра отырып «Жусан иісі» әңгімесінің рухани қазына, құнды мұра екендігін көрсететін пікір білдіреді. Бұл тапсырманы берудегі мақсат – оқушыларға өз ойларын, пікірлерін ашық жеткізе білуге дағдыландыру.
Осы әдістерді қолдана отырып оқушылардың тапсырма орындауы сабақтың жақсы өтуіне оң ықпалын тигізер еді.
Осы сабақтың барысында келесі сабағыма қажет болуы мүмкін барлық сынып немесе жекелеген оқушылар туралы қандай ақпарат білдім?
1. Барлық сынып бойынша сынып оқушылары топтық, жұптық жұмыстарды жақсы орындай алатынын, берілген уақытқа сай тапсырмаларды орындауда шапшаңдық әрі бәсекелестік қасиеттері жоғары екенін білдім.
2. Жекелеген оқушы бойынша, Мәселен Қалдықожа Ерсұлтан сабақта өте белсенді екенін, өз ойын анық әрі шынайы жеткізе білетініне көз жеткіздім. Тапсырмаларды орындау барысында ол оқушы қиындықтарға тап болмады. Жанындағы жұбына көмектесе білді. Топпен жұмыс жасағанда топ белсендісі бола білді.
Сыныптағы барлық және жекелеген оқушы бойынша білген ақпараттарымды келесі сабақтарда да ескеремін және осының барлығы алдағы сабақтарыма да қажет болатынына сенемін.
|
Достарыңызбен бөлісу: |
