2.1 Кіріспе Дене шынықтыру – қозғалыс белсенділігін саналы дамыту нәтижесінде денсаулықты сақтауға, нығайтуға, адамның психофизикалық қабілетін дамытуға бағытталған әлеуметтік іс–әрекеттер саласы.
Дене шынықтыру – дене шынығуын, дене дайындығын жүргізу арқылы адамның қозғалыс белсенділігін жетілдіріп, салауатты өмір салтын қалыптастыруға, әлеуметті бейімдеуге, адамның физикалық және саналы дамуына әсер ететін, білім мен біліктілік жиынтығы болып табылытын қоғам мәдениетінің бір саласы.
Бұл бағдармада дене шынықтыру сабағынан бөлімдермен тақырыптар белгіленген екі бөлім: негізгі (базалық) және өзгермелі (вариативті) бөлімдер берілген.
Негізгі бөлім дене шынықтыру мен жалпы дайындық туралы бөлім. Ол білім алушының физикалық даму қамтамасыз ететін барлық оқу кешенін қамтиды. Негізгі бөлімнің оқу материалы міндетті түрде орындалуы керек.
Өзгермелі бөлімнің материалы білім алушының жеке мүмкіндігін, аймақтың климатын, ұлттың және жергілікті халық дәстүрлерін ескере отырып орындалуы керек.
Білім алушылар денсаулығының жағдайына, физикалық дене дамуының дайындығына қарай дене шынықтыру сабағында бірнеше топқа бөлінеді:
- негізгі топ (денсаулығында және дене дамуында ешқандай ауытқу жоқ, жергілікті дене дайындығы бар оқушылар)
- даярлық тобы (денсаулығында және дене дамуында ешқандай ауытқу жоқ, жергілікті дене дайындығы бар оқушылар)
- арнайы топ (денсаулығында уақытша немесе тұрақты ауытқуы бар, пән бойынша жүктемені шектеуді талап ететтін топ).
Арнайы дәрігерлік топтардағы дене тәрбиесі пәні тбүкіл оқу кезеңінде 45минутттан аптасына 3-4 рет, негізгі сабақтан тыс уақытта жүреді.
