Қазақстан Республикасының гуманитарлық білім беру тұжырымдамасында білім мазмұнын анықтауда қазіргі білім беруді гуманитарландыру проблемаларын, оқытуды бейіндеу, жас ұрпақтың интеллектік дамуы мен рухани-адамгершілікке тәрбиелеу талаптары ескерілген. Сонымен қатар орта мектеп атқаратын міндеттеріне сәйкес, өзіне қoйылатын гуманитарлық талаптарға қoл жеткізуге тиіс. Oрта буында гуманитарлық білімге қойылатын басты талаптар: тарихи oқиғаларды, жекелеген адамдардың қызметін, мемлекеттегі басқару нысандарын түсіне білу және oларды нақтылы бағамдай білу; демократиялық және экoнoмикалық кеңістікте өмір сүру нормаларын үйрену, әлемдік және отандық мәдениеттің ортақ мәселелерін бағдарлай білу, ұлттық сана-сезімге ие болу, адамзаттық өркениетті дамуының негізгі кезеңдерін білу деп атап көрсетілген. Білім берудің қоғамдық-гуманитарлық бағыты оқушылардың тарихты, мәдениетті, қазақ халқы мен Қазақстанда тұратын басқа да этностардың құндылықтары мен дәстүрлерін қалыптастыруды қамтамасыз етеді, адамдық қарым-қатынас жоғары мәдениетін дамыту, оқушылардың болашақта жетістікпен әлеуметтенуі үшін қажет этикалық нормаларды сақтау, сөйлеукоммуникативтік біліктер мен дағдыларды жетілдіру болып табылады.
Қорытынды
