Тақырыбы: «Отбасы –тәрбие бастауы» ата-аналар жиналысы. Мақсаты

- Сіздер әр отбасыларыңыздың ұйытқысысыздар. Өнегелі отбасы дегенді қалай түсінесіз? (екі топқа бірдей)
Өнегелі отбасы

- Отбасы адамзат бесігін тербеткен ұя болса, баланың бас ұстазы- ата-ана. «Балапан ұяда не көрсе, ұшқанда соны іледі» деген ата –бабаларымыздан қалған асыл сөздің сырына үңілер болсақ, бала әкеден ақыл, анадан мейір алады. Ата –анаға баладан жақсы ешкім жоқ. Сондықтан қай ата-ана болсын баласының білімді, әдепті болуын армандайды. Ал бар тәрбиеміздің көзі- ата-бабамыздан қалған асыл да дана сөздер, яғни небір кереметтің барлығы осы айтылар мақал- мәтелдерде екені сөзсіз. Олай болса келесі кезекте мақал-мәтелдерге байланысты өз ойларыңызды ортаға салсаңыздар. (Мақалды жалғастыру, мағынасын ашу.)

1. 
   Өз үйім-................... (өлең төсегім)
   
2. 
   Атасыз үй- батасыз.
   

3. 
   Ананың ізін қыз басар,
   

4. 
   Жақсы ата-орман,
   

5. 
   Атаңа не қылсаң,
   

6. 
   Әкең өлсе де, ....................... (әкеңді көрген өлмесін.)
   
7. 
   Әдепті бала ата-анасын мақтатар,
   

1. 
   Ананың көңілі балада,
   

2. 
   Ата көрген оқ жонар,
   

3. 
   Әкенің қадірін .......................................... (балалы болғанда білесің)
   
4. 
   Атадан жақсы ұл туса,
   

...................................(Атадан жаман ұл туса,

...................................Елінің малын жейді)

5. 
   Әдепсіз бала, ауыздықсыз атпен тең
   

6. 
   Қарға баласын «Аппағым» дер,
   

7. 
   Өз балаңды өскенше бағасын,
   

Әке мен шеше, ата мен әже, аға мен әпке- біз жақсы көретін ең жақын адамдар. «Ата- бәйтерек, бала -жапырақ», «Әкеден ақыл, анадан мейір», «Ағасы бардың жағасы бар, інісі бардың тынысы бар» дейді халық. Осындай ынтымағы бір, тілегі бір отбасында өмір сүріп жатқан біз – бақыттымыз.

Кәне, балалар, жеке-жеке мына сандықтың ішінен асық алыңдар, қандай нөмірлі асық алсаңыздар, сол нөмірдегі сұрақ оқылады.

1. 
   Не тәтті? (Ананың сүті)
   
2. 
   Не жұмсақ? (Ананың қолы)
   
3. 
   Не қымбат? (Алтын ұяң Отан қымбат, Құт- береке атаң қымбат, Аймалайтын анаң қымбат, Бәрінен де ар мен ұят қымбат. )
   
4. 
   Отбасын кімдер құрайды? (Ата, әже, әке, ана, аға, әпке, қарындас, іні, сіңілі)
   
5. 
   Отбасының бүкіл міндеті кімдерге негізделген? (Ата -анаға)
   
6. 
   «Үлкенге құрмет» дегенді қалай түсінесің? (Үлкендердің заттарын көтеру, айтқандарын істеу)
   
7. 
   Отбасының ұйытқысы кім? (Ана)
   
8. 
   Отбасының басшысы кім? (Әке)
   
9. 
   Отбасының әдет-ғұрыптары туралы түсініктеме бер. (Үлкенді сыйлау, айтқан ақылдарын тыңдау.)
   
10. 
    Жоқты бар, ашты тоқ ететін кім? (ата-ана)
    

Ата-аналар, барлығымыз шеңбер құрып тұрамыз. Менің қолымда кішкентай ғана «Сиқырлы күн» тұр. Ол сіздерге жылу, қуаныш, табыс, бақыт, сүйіспеншілік сыйлайды. Сіздер оны бір –біріңізге беріп, бүгінгі жиыннан алған әсерлеріңіз туралы пікір білдіресіздер. Ата-аналар, бір-біріне тілек айтады.

Келешекте жас ұрпақты бар мейірімі мен күш –жігерін сарп етіп болашақ еліміздің тұтқасы болуына мектеп, ата-ана, ұстаз болып ықпал ете берейік. Осы тәрбие сағаты менің оқушыларыма үлкен ой салып, саналы болуға тәрбие берді деп ойлаймын. Келген ата- аналарға үлкен рахмет айта отырып, тәрбиелеп отырған балаларыңыз саналы азамат болып, сіздердің де, біздің де мақтанышымыз болсын деп тәрбие сағатымызды аяқтаймыз.