Ол ауаның вирустармен ластануының жанама индикаторы болуы да мүмкін. Тұрғын үйлердегі ауаны, суасты қайықтарын,емдеу профилактикалық мекемелерін зерттеуде барынша ақпараттандырылған санитарлық - көрсеткіш микроорганизмі ретінде алтын түсті стафилококканы әзірге ортақ танылған микроағза.
Санитарлық көрсеткіш микроорганизмдердің үшінші тобы
Бделловибриондар санитарлық - көрсеткіш микроорганизмдері ретінде 1962 жылы ұсынылды. Бұлар, аэробты, көлемі 0,25-1,2 мкм болатын, қозғалмалы, талшықтары бар, басқа микроорганизмдерге жыртқыштық қасиет көрсетіп, тек грамм теріс таяқшаларды зақымдайтын Грам теріс таяқшалар.
Бделловибриондардың полюстерінің бірінде бактерияның жасуша қабырғасын ерітетін экзотоксин мен липолитикалық фермент жинақталатын қуыс болады. Оларды бір - бірінен литикалық белсенділігіне қарап ажыратады: біреуі тек псевдомонадаларды ерітсе, екіншісі тек аэромонадаларды лизистейді.
Бделловибриондар суды биологиялық тазарту мақсатында және судың ластануында санитарлық- көрсеткіш микроорганизмдер ретінде қолданылады
Ағын су қоймаларында бделловибриондар саны 3000 КОЕ/см, ал олардан тыс аймақта 10 КОЕ/см. Бделловибриондарды Грация әдісі арқылы бөліп алады,бірақ сынаманы қою үшін E.coli K-12 индикаторлық штамм керек.