Байланысты: 1 билет «Химия» п нінен жа артыл ан білім беру мазм ны да ы 7-11
2. Химияданфакультативтік сабақтар, олардың химияны оқыту жүйесіндегі маңызы. Факультативтік курс немесе факультативтік сабақ - оқушы немесе студенттің таңдауымен мектепте немесе жоғарғы оқу орнында өткізілетін міндетті емес оқу курсы. Факультативтік сабақтар міндетті сабақтар мен қосымша сабақтар арасындағы белгілі бір ережелерді сақтауды қамтамасыз ететін арнайы бағдарламалар арқылы өткізіледі. Факультативтік сабақтар оқушылардың ой-санасының дамуына, пәнге деген белсенді танымдық қызығушылығының қалыптасуына, оқушылардың зерттеу қызметіне деген ынтасын арттыруға ықпалын тигізеді. Оқушыларды қоғамның жан-жақты жетілген белсенді азаматтары етіп тәрбиелеу үшін химия пәні бойынша сыныпта өтілетін бағдарлама материалдарын қазіргі өмір талабына сай оқытумен қатар, оқытудың білім беру, тәрбиелік және одан әрі дамыту міндеттерін жүзеге асыруда факультативтік жұмыстарды ұйымдастырудын сапасын жақсартып, рөлін арттыра түсу көзделеді. Сондықтан мектепте химия пәнінен факультативтік сабақтарды ұйымдастыру үшін оқушылардың қызығушылығын ескеріп және алдын-ала сауалнама жүргізу арқылы, олардың ойын ескеруге болады. Себебі оқушылар бағдарламадан тыс көптеген мәселелерді білгісі, үйренгісі келеді.Факультативтік сабақтары әдетте күндізгі сабақтардың соңында немесе кешкі уақытта өткізіледі. Факультативтік сабақтарды жүргізу, тақырыптың мазмұнына сәйкес дәріс, рефераттарды талқылау, сарамандық жұмыс, бейнефильмдер және интернет ресурстар және танымжорыққа бару ұйымдастырылады.
Мектепте оқушылардың химия пәнінен факультативтік сабақтарда жүйелі ғылыми-зерттеу жұмыстарын айналысуы, күрделі (олимпиадалық) есептерді шығаруы, технологиялық үрдістердің физико-химиялық көрсеткіштерін анықтап үйренуі, технологиялық сызбаларымен, жаңа нұсқаларын құрастыруы, болашақта білімді, кәсіби жас ұрпақ тәрбиелеуге мүмкіндік береді. Осыған орай, жергілікті химиялық өндірістерге, тамақ өнімдерін өндіру орындарына, ғылыми-зерттеу зертханаларына, жоғары оқу орындарына танымжорық жасау және кәсіби мамандармен кездесу оқушылардың болашақта кәсіби бағдар алуына, болашақта мамандық таңдауына көмегі тиеді.
