Қазақстан территориясы 272 млн. гектарды (2 млн. 717 мың шаршы шақырымды) құрайды десек, ауыл шаруашылығының балансындағы жер 223 млн. гектарға жеттi.
Тың игерiлген жылдардағы Қазақстанның астық жинаудағы көрсеткiштерi мынандай: 1) 1955 ж. республика 475 млн. пұт астық жинады;
2) 1956 жылы 1 млрд. пұт астықты мемлекетке тапсырды;
3) 1954 - 1964 жж. Одақ көлемiнде 3 рет қана (1956, 1958, 1964 жж.) астық сату жоспары орындалды; 4) тың игерiлгеннен кейiн Қазақстан небәрi 6 рет мемлекет қоймасына 1 млрд. немесе одан да артық астық өткiздi. Қазақстан КП ОК-нiң XX Пленумында (1990 жыл) белгiлi ғалым Мэхлис Сүлейменовтың айтқанындай, шын мәнiнде мол астық табиғаттың қолайлы болған жылдарында ғана алынды.
Тың игеру басталғанға дейiнгi Қазақстанда (1953 жыл) 2 960 ұжымшар мен 219 кеңшар болса, кейiн керiсiнше кеңшар 2 122-ге жетiп, 394 ұжымшар әрекет еттi. Тың жылдары кеңшарлар 127,3 мың трактор, 46,2 мың астық комбайнын, 29,6 мың жүк автомобильдерi мен арнайы тасу көлiктерiн, 45,1 мың тракторлық жер жырту соқасын, 74,4 мың себу мәшинелерiн т.б. алды.
