Күштердің кез келген жүйесі тепе – теңдікте болу үшін оның бас векторы мен қандай да болмасын бір центрге қатысты алынған бас моментінің нөлге тең болуы қажет және жеткілікті. Яғни, кеңістіктегі күштер жүйесінің тепе-теңдігі тек бас вектор жəне бас момент нөлге тең болған жағдайда орын алады : R = 0 , M0 = 0. Осының негізінде тепе – теңдік теңдеулерін жазуға болады :
∑Fix = 0 ∑Fiy = 0 ∑Fiz = 0
∑Mix = 0 ∑Miy = 0 ∑Miz = 0
Осы тұста айта кететін тағы бір жайт. Қандай да бір центрге қатысты алынған жүйенің бас векторы R нөлге тең болмаса, онда ол басқа центрде нөлге айналмайды. Өйткені ол жүйенің келтіру центрінің орнына тәуелді емес. Демек тепе – теңдіктегі жүйе үшін бас вектордың нөлге тең болуы қажет.
Ал R = 0 болса, онда берілген күштер жүйесі қорытқы бір қос күшке келтіріледі. Бұл қос күш моменті М0 жүйесінің келтіру центрін өзгерткенмен өзгермейтін вектор. Олай болса жүйенің тепе – теңдікте болу үшін М0 = 0 болу керек.
Ал егерде R = 0, М0 ≠ 0 болса, онда берілген күштер жүйесі моменті М0 болатын бір қос күшке келген болар еді де, тепе – теңдік болмаған болар еді. Ал керісінше R ≠0, М0 = 0 болса, онда күштер жүйесі бір теңәсерлі күшке келтірілген болар еді де, тағы да тепе – теңдік болмас еді. Енді қорытындылай келе бұдан түсінгеніміз R = 0 , M0 = 0 болуы тепе – теңдік шарты болып табылады.
Кез келген жазық күштер жүйесі тепе-теңдігі шарттарының үш түрі. Егер қарастырылып отырған күштер жүйесінің əсер сызықтары бір жазықтықта жататын болса, онда оларды жазық күштер жүйесі деп атаймыз. Егер қатты денеге əсер етуші күштер жүйесі теңгерілген күштер жүйесін құрайтын болса, онда бұл дене тепе-теңдікте болады. Бұл тұжырымнан тыныштықта тұрған денемен қатар бірқалыпты түзу сызықты ілгерілемелі қозғалыстағы денені де тепе-теңдікте деп қарастыруға да болады.
Кез келген күштер жүйесі тепе-теңдікте болу үшін мынадай теңдеулердің орындалуы қажетті де жеткілікті болады. Оларға: Rx=Fix ; Ry=Fiy ; Rz=Fiz - күштер жүйесінің тиісінше х-х, у-у және z-z, өстеріне проекциялары.
