№1КЛИНИКАЛЫҚ ЕСЕП 38 жастағы М. деген науқас, аурухананың қабылдау бөлімшесіне «Жедел медициналық жәрдем» бригадасымен жеткізілді.
Түскен кездегі шағымдары: іштің барлық аймақтарындағы қатты ауыру сезімі, қозғалған кезде ауру сезімінің күшейетіндігі, жүрегінің айнуы және бір рет құсқандығы.
Анамнезі:құрылыста жұұмыс жасайды. Шамамен 1 сағат бұрын жұмысында бір қап цементті көтерер кезде ішінің жоғарғы бөлігінде кенеттен қатты ауру сезімі пайда болған. Содан кейін, науқас жайлап отырып қалған, оның бетін суық тер басып, әлсіздік пайда болады. Айтуынша, бірнеше жылдар бойы көктем және күз айларында, кейде түнгі уақыттарда эпигастрий аймағындағы ауру сезімі мазалаған. Бірақ дәрігерлерге қаралмаған, ешқандай медициналық тексерістерден өтпеген.
