Мониторинг дегеніміз белгілі бір нәрсенің жай-күйін бақылау, бағалау, талдау және болжау жүйесі, белгілі параметрлерді анықтаудағы бақылау құралы. Мониторинг ішінде басқарудың өзіндік қызметі, педагогикалық іс-әрекет барысындағы бағалау жүргізіледі.
Педагогикалық мониторинг педагогикалық жүйенің дамуын болжау, сонымен қатар оның жағдайын үздіксіз бақылауын қамтамасыз етуді көрсетеді
Google форма тәсілі арқылы 2016-2021 оқу жылдарыаралығында пән мұғалімдерінен қажетті ақпараттар алынды
Google таблица арқылы 2020-2021 оқу жылында мұғалімдердің жылдық жұмысының рейтингі жинақталды. Таблицадағы мұғалімдердің берген мәліметтеріне сәйкес дәлелдемелері қабылданып, жылдық жұмыс қорытындысы жасалды.
Әр оқу жылының І және ІІ жартыжылдығында пән мұғалімдерінің мониторингі жүргізіледі. Қорытындысымен мұғалімдер таныстырылып, мониторинг кестесі әдістемелік кабинетте ілініп тұрады. Сонымен қатар мониторингтік зерттеуде «үздік» көрсеткіш көрсеткен 10 пән мұғалімі педагогикалық кеңесте мектебіміздің «Құрмет тақтасына», жас мамандар арасында «Заманауи жас маман» тақтасына» ұсынылады. Педагогикалық кеңестің шешімін «үздік» көрсеткіш иелерінің суреттері аталған тақталарға ілінеді.
Қорытындылай келе, мониторинг жүргізудің нәтижесінде білім беру ұйымдарындағы көп мәселелерді талдап, сараптап, педкадрлармен жұмыс сапасын арттыруға болады. Жүйелі талдаудың арқасында мұғалімдердің жұмыс жасау деңгейі жақсарады. Болашақта мониторингтік зерттеу жүргізуіне байланысты тәжірибені ескере отырып, жұмыста тек сандық деректер ғана қолданылады. Сонымен қатар дұрыс бағытта жүргізілген педагогикалық талдау мен жоспарлы жүйе мұғалімдердің жетістіктерге жетуіне ынталандырып, мектептің рейтингілік бағасының жоғарылауына себепкер болады.
