Қазақстан Республикасының Білім және ғылым министрлігі «Talap» коммерциялық емес акционерлiк қоғамы абиева г. С., Молдаш ы.Ә., Мауленова б. Т
Төмен және орташа қысымды ішкі газ құбырларын
жүктеу/скачать 12,6 Mb. Pdf көрінісі
|
143. kz 1403000 слесарь сантехник
Дәріс 12
| Төмен және орташа қысымды ішкі газ құбырларын
су газ құбырларынан, 0,6 МПа- ға дейінгі жоғары қысымды газ құбырларын электрмен дәнекерленген құбырлардан; 1,2 МПа-ға дейінгі жоғары қысымды газ құбырларын электрмен дәнекерленген тік жікті құбырлардан және жіксіз ыстықтай илектелген құбырлардан төсейді. Коррозиядан қорғау үшін ішкі газ құбырлары беріктігі мен тығыздығын сынағаннан кейін сыртынан майлы бояумен екі рет боялады. Ішкі газ құбырлары жылыту және су құбырларына ұқсас монтаждалады, бірақ жоғары қауіптілікке байланысты құрастыруға жоғары талаптар қойылады: құбырларды қосу дәнекерлеу арқылы жүргізіледі; бұрандалы және фланецті қосылыстар арматураны орнату, газ аспаптарын қосу орындарында, сондай-ақ дәнекерлеуді жүргізу мүмкін емес жерлерде рұқсат етіледі; бірінші қабаттан басқа, газды дәнекерленген бағандарда сгондар орнатуға тыйым салынады. Газ құбырларының қосылыстары ғимараттың шөгуі, тығыздағыш материалдар кепкен кезде ағып кететін орын бола алатындықтан, құбырлардың қосылыстарын қабырғаларда бітеуге, оларды футлярда, гильзада орналастыруға тыйым салынады. Дәнекерлеумен жалғанатын құбырлар үлкен диаметрден кіші диаметрге қатаң өстес түйіседі. Құбырларды тегіс емес, тым қалың күйдірумен дәнекерленген жіктермен, жарықшалармен жалғауға, сондай-ақ жіктің барлық ұзындығы бойынша металды алдын ала жоймай, жарылған жіктерді дәнекерлеуге және жіктердегі жланкөздерді шекілеуге тиым салынады. Иілген бұрулар қысылмауы және қатпарланбауы тиіс. Құбырлардың бұрандалы қосылу кезінде тығыздағыш ретінде зығыр жібі пайдаланылады. Қосылатын бөлшектер мен құбырлардың өсі сәйкес келуі тиіс. Құбырлардың өстері сәйкес келмегенше, оларды бір-біріне тартып қосуға тыйым салынады. Құбырлардағы бұранда оюлары толық, үзілген жіптерсіз болуы тиіс. Стандартты емес (муфтадан кесілген) контргайкаларды пайдалануға жол берілмейді. Фасонды бөліктер мен арматура бұранданың барлық ұзындығына оралуы тиіс. Құрылыс конструкциялары арқылы өтетін газ құбырлары гильзаларға төселеді. Футляр шетінен жікке дейінгі арақашықтық 100 мм-ден кем болмауы тиіс. Гильзадағы құбыр боялуы, центрленуі керек, саңылау шайыр жібімен бітелуі және битуммен құйылуы тиіс. Гильзалардың жырылған шеттері, төбеден шығыңқы жерлері болмауы және алаңнан 50 мм артық шықпауы тиіс. Газ құбырлары кронштейндермен, ілмектермен, ілгіштермен берік бекітіледі. Бекітпелерді газ құбырының түзу учаскелерінде арматураны орнату, бұрылыстар, тармақтаулар, колонналарды айналып өту орындарында 265 рұқсат етілгеннен артық емес қашықтықта орнатады. Құбырлар тіректерде саңылаусыз тығыз жатуы тиіс. Кесте 4 – Газ құбырының бекітпелері арасындағы ең үлкен қашықтық Құбыр диаметрі, мм... 15 20 25 32 40 50 70 80 Бекітпелер арасындағы ең үлкен қашықтық, м 5,2 6,1 7,2 8,0 9,5 11,5 13,0 13,6 Тік құбырлардың 1 м құбырға 2 мм-ден аспайтын ауытқуы болуы тиіс. Газ құбырларын тік емес төсеуге, қабырғаға тығыз жақындатуға немесе үлкен қашықтықта орналастыруға (60... 100 мм) тыйым салынады. Жобада нұсқаулар болмаған жағдайда құбыр мен қабырға арасындағы қашықтық құбыр радиусынан кем болмауы тиіс. Ылғалды немесе сұйылтылған газ беретін желілердің көлденең учаскелерін көлбеу 0,003-тен кем емес етіп төсейді.. Оларда майысу, тегіс емес және сынуға жол берілмейді; тік сызықты учаскелердің қисықтығы 1 м- ге 1 мм-ден аспауы тиіс. Қажет болған жағдайда өнеркәсіптік кәсіпорындардың цехтарында салынатын таратушы газ құбырларында конденсатты шығару үшін конденсат жинағыштар немесе штуцерлер орнатылады. Газдың ағып кетуін тез арада анықтау және жою мақсатында құбыржолдар ашық төселеді. Жасырын төсеуге ерекше жағдайларда келесі ережелерді сақтай отырып рұқсат етіледі: құбырлар тек дәнекерлеуде қосылуы тиіс; арналар шегінде дәнекерленген қосылыстар саны аз болуы тиіс; санитарлық-техникалық шақтыларда құбырларға тексеру үшін еркін кіру болуы тиіс, шақтылар желдетілуі тиіс. Газ құбырының зақымдануын болдырмау үшін оны адамдар өтетін жерлерде кемінде 2,2 м биіктікте (еденнен құбырдың төменгі жағына дейін) және көлік өтетін жерлерде қақпалар мен есік ойықтарынан жоғары салу керек. Газ құбырлары терезе ойықтарын кесіп өтпеуі тиіс. Газ құбырлары мен электр сымдарының немесе кабельдердің үй-жай ішіндегі өзара орналасуы келесі шарттарды қанағаттандыруы тиіс. Параллельді орнатылған жағдайда ашық төселген электрөткізгіштен немесе кабельден газ құбыры қабырғасына дейін арақашықтық 250 мм –ден кем болмауы тиіс. Электр өткізгішті жасырын төсеу немесе оны құбырға салу кезінде бұл қашықтық бітелген атызықтың шетінен немесе құбыр қабырғасынан есептегенде 50 мм-ге дейін азайтылуы мүмкін. Газ құбырының электр сымымен немесе кәбельмен қиылысатын жерлерінде олардың арақашықтығы 100 мм кем болмауы тиіс. Тұрғын және қоғамдық ғимараттар үшін газ құбырының әр жағынан 100 мм шығып тұратын резина немесе эбонит құбырына электр өткізгішті бекіту шартымен электр өткізгіштерін саңылаусыз тармақтаумен қиылысуына жол беріледі. Үй-жайлардың ішінде кернеуі 1000 В дейінгі 266 ашық тоқ өткізгіштердің газ құбыры мен тоқ өткізгіш бөліктері арасындағы қашықтық 1 м-ден кем болмауы тиіс. Газ құбырының таратушы электр қалқанына немесе шкафқа дейінгі қашықтығы 300 мм-ден кем болмауы тиіс. Газ құбырының су құбырымен, канализациямен және басқа құбырлармен қиылысқан кезде құбырлардың арасындағы жарықтағы қашықтық кемінде 20 мм көзделеді. Желдету каналдарының, шахталардың, түтін арналарының газ құбырларымен қиылысуына, сондай-ақ тұрғын бөлмелерде газ құбырларын салуға рұқсат етілмейді. Бекіту арматурасы тіреуіштің негізіне және әрбір газ аспабының алдына орнатылады. Бекіту арматурасы ретінде еденнен 1,5 м кем емес биіктікте плитаға түсетін жерге орнатылатын жезді керілген тығын крандары қолданылады. Кран осі қабырғаға параллель болуы керек. Кранның алдында газ аспабын бөлшектеу мүмкіндігі үшін сгон орнатылады. Ішкі газ құбырларын монтаждау мынадай ретпен жүргізіледі: гильзалар, бекіткіштер орнатылады; газ құбырларын жинайды. Газ құбырларын жинау газ бағандарынан басталады, олар, әдетте, төменнен жоғары орнатылады, тіреулер мен түсірулерді тігінен орнату, сондай-ақ қабырғалардан берілген арақашықтық қатаң сақталады. Монтаждалатын түйндер мен құбырлар алдымен дәнекерлеумен ұсталады, бұл ретте құбырлардың ұштары мұқият тазартылуы қажет. Тіреулерді жүргізгеннен кейін таратушы құбырлар құрастырылады, құрылыс конструкциялары арқылы газ құбыры өтетін жерлерде гильзаларды бітейді, түйіспелерді дәнекерлейді және монтаждау сапасын тексергеннен кейін газ құбырларын бекітеді. жүктеу/скачать 12,6 Mb. Достарыңызбен бөлісу:
|