БАҒдарламасы (syllabus) Пәннің атауы: «Қазақстан Республикасының Құқық қорғау органдары»

Пәннің атауы: «Қазақстан Республикасының Құқық қорғау органдары»

«Қазақстан Республикасының құқық қорғау органдары» оқу пәні студенттерге мемлекеттегі құқық қорғау органдары туралы, қазіргі қоғам өміріндегі құқық қорғау қызметінің орны мен рөлі туралы, заңдылық, құқық шығармашылық пен құқық қолданушылық, құқық бұзушылық пен адам құқықтары мен бостандықтары туралы қазіргі білім жүйесін беруге арналған.

Сонымен, «Қазақстан Республикасының құқық қорғау органдары» пәнін оқытудың мақсаты студенттерге құқық қорғау қызметінің, құқық қорғау органдарының қызметтерін құқықтық реттеу механизміне қатысты негізгі ережелерді, сондай-ақ барынша мәнді өзекті мәселелерді, құқық қорғау органдары туралы тұжырымдарды Қазақстан Республикасы ерекшелігін ескере отырып үйрету болып табылады.

«Қазақстан Республикасының құқық қорғау органдары» оқу пәнін оқып-үйрену барысында студенттер, сонымен бірге құқық қорғау қызметтерінің салалары бойынша білімдерді игереді, олардың қызметтерін реттейтін заңдармен танысады, заңнаманы даму бағытын және Қазақстан Республикасындағы қолданыстағы заңдардың тиімділігін талдайды. Қазақстан Республикасында құқық қорғау органдарының құқықтық мемлекетті қалыптастырудың алғы шарттарымен танысады.

5. Пәнді оқудың мақсаты: «Қазақстан Республикасының құқық қорғау органдары» атты оқу пәнi ең маңызды құқықтық пәндердiң бiрi, өйткенi бұл курс шегiнде еліміздің құқық қорғау органдарын ұйымдастыру қызметі мен өкiлеттiктерiнің мәселелері қарастырылады.

Пәннің жүйесi соттар қызметiнiң ұйымдастырушылық және материалдық-техникалық қамтамасыз етiлуiне арналған Конституциялық Кеңес, прокурорлық қадағалау мен прокуратура органдарының қызметiнiң басқа бағыттары, қылмысты ашу, тергеу, құқықтық көмек көрсету мәселелерін қамтиды. Бұл пәндi бiлмей «Қылмыстық іс жүргізу құқығы», «Азаматтық іс жүргізу құқығы», «ҚР Прокурорлық қадағалау» және т.б. сияқты пәндердi түсiну мүмкiн емес.

Сондықтан, әрбiр студентте құқық қорғау қызметi, сот билiгi, сот төрелігі, сот төрелігінің принциптері, сот жүйесi, сот сатылары алдын-ала тергеу мен анықтау органдары сияқты ұғымдар туралы нақты түсiнiгi болуы керек.

6. Пәнді зерттеудің міндеттері:

Құқық қорғау органдарының қызметi мен ұйымдастырылуы заңмен қатаң реттеледi. Сондықтан, бұл курсты менгеру тiкелей заңдар мен нормативтiк - құқықтық актiлердi тiкелей оқуды талап етедi.

Жоғарғы Соттың, Конституциялық Кеңестiң қаулылары, нұсқаулары, ережелері прокуратура органдарының бұйрықтары, инструкциялары мен басқа нормативтiк актiлерi Қазақстан Республикасының министерлiктерi мен ведомстваларының нормативтiк актiлердің бюллетенiнде жарияланады.

Оқу пәнінің тақырыптарын тереңiрек зерттеу үшiн қосымша материалды қазақстандық және шетелдiк ғалымдардың ғылыми зерттеулерiнде және «Тураби», «Государство и право», «Законность», «Правоведение», «Юридический мир», «Фемида», «Закон и время», «Юридическая газета», «Заң газетасы», «Заң журналы», «Заң және заман», «Прокурорская и следственная практика», «Закон», «Право», «Человек и право», «Правовая форма», «Правовая реформа», «Адвокат» сияқты журналдардан оқуға болады.