2019-2020 оқу жылындағы оқу-тәрбие үрдісінің қорытындысы Мектептің педагогикалық ұжымы Ел Президентінің “Қазақстан-2030” жолдауын, “Білім туралы заңды”, Қазақстан Республикасының “Тіл туралы” заңын, “Қазақстан Республикасының 2020 жылға дейін білім беруді дамыту тұжырымдамасын” басшылыққа ала отырып, 2018-2019оқу жылына арналған мектептің даму жоспарын белгілеп, мектеп жасындағы балаларды оқумен толық қамтамасыз етуде, оқушылардың бос уақыттарын есепке алып, пәндік және басқа да үйірме, секцияларға тартуда, сабақта және сабақтан тыс уақытта оқу-тәрбие жұмыстарын үздіксіз жүргізіп, оқушыларды мектептен және сыныптан тыс тәрбие жұмыстарының барлық түрлерімен қамтуда нысаналы жұмыстар атқарды.
Жалпы мәлімет.
Ж.Ермегияев атындағы орта мектепте 34 жоғары білімді, 6 арнаулы орта білімді мұғалімдер қызмет атқарып жүр. 2018-2019 оқу жылын 16 сынып комплектісі, (оның ішінде біреуі - мектепалды сыныбы) 237 оқушымен бастады. Сыныптар толықтылығы – 16. Оқушылар санына байланысты мектебімізде 1 ауысымда 5 күндік жұмыс кестесімен жұмыс ұйымдастырылды. Жыл бойы мектебімізге 10 оқушы сырттан келіп, 15 оқушы басқа мектептерге орын ауыстырды. Оқу жылын 228 оқушы , 69 % сапа көрсеткішімен аяқтадық.
Мектептің материалдық техникалық базасы жылдан жылға жаңартуды қажет етіп отыр. Мектепте 1 спорт зал, акты залы, 1 кітапхана 5598 дана оқулықпен, 20145 дана әдеби кітаптармен жабдықталған. Оқу кабинеттерінің саны - 21, асхана 40 орындық көлемінде, 2 медициналық қызмет кабинеті, 1 информатика, физика кабинеті интернет желісімен жабдықталған.
