Жадыңызда болсын! - • «Шұғаның белгісі» – Бейімбет Майлиннің көлемді де көркем тұңғыш туындыларының бірі. 1914 жылы «Садақ» қолжазба журналында жарияланған. Повесте ескі қазақ қоғамындағы ең өткір мәселелер көтерілген.
- Башқұрт халқының көрнекті ақыны Сәйфи Құдаш 1916 жылдың ақпан айының аяқ кезінде Уфадағы Ғалия медресесінде тіл мен әдебиет мұғалімі Ғалымжан Ибрагимов шәкірттеріне қалаған тақырыптарына шығарма жазып келуді тапсырғанын, сонда Бейімбет «Шұғаның белгісін» ұсынғанын айтады.
- «Майлиннің прозадағы шеберлігі тура алғашқы адымынан (Шұғаның белгісінен) басталады. Мұндай да ғажап болады екен... шеберлік тұрғысынан пайымдағанда күні бүгінге дейін қазақ повесінің үлгісі болып отыр. Ғажайып емей немене?»
- «Онда... бірден бетке ұратын арзан әсерге құмарлық жоқ. Оқиға таңдауда да, сөз өнерінде де ол әсіре қызыл атаулыға жат. Кісіні тайғанақ мұзға тағасыз түскен аттай сырғытып әкететін сөзде дыбыс қуалау, (аллитерация) үстеме теңеу, эпитеттер, арзанқол афоризмдер Бейімбет тілінде кездеспейді. Ол өз ойын ұғындыру үшін, яки кейіпкерінің бейнесін, қимыл әрекетін беру үшін орағытып теңеу іздеп, тап баса алмай жанай сипап жүрмейді, қарапайым ұтқыр сөзбен қолға ұстатқандай образдар жасайды...
- Майлиннің бізге үлкен өнеге болатын көркемдік қасиеті – қарапайымдылығы».
|
