Оқыту принциптері - мұғалім мен оқушылардың жұмысын реттеп отыратын ережелер. Сондықтан ол барлық пәндерді оқытқанда қолданылады.
И.Г.Песталоцци оқытудың көрнекілік принципін ерекше бағалап, оны логикалық ойлауды дамытатын маңызды құрал деп санаған.
Көрнекілік принципі ертеден қолданылып келе жатқан принцип. Оның негізіне мынадай ғылыми заңдылық жатады: сезім мүшелері сыртқы тітіркендіргіштерді түрліше қабылдайды. Кейбір заттарды есте сақтау көрнекіліксіз мүмкін емес.Көрнекілік түрлері:
Табиғи көрнекі лік оқушыларды өсімдіктермен, жануарлармен, минералдармен таныстыруды талап етеді.
Эксперименттік көрнекілік арқылы оқушылар тәжірибелер жасайды.
Суретті көрнекіліктің мақсаты - нақты дүниенің бейнесін көрсету (бейнесурет, картина, диафильм, диапозитив, мылқау кинофильмдер).
Көлемді көрнекілік: макет, үлгі, муляж,
Дыбыстық көрнекіліктер: күйтабақтар, ұнтаспаға жазылған материалдар, т.б.
Символдық және графикалық көрнекілік: абстракты ой дамуына көмектеседі, себебі болмысты шартты белгілермен белгілейді. Олар: карта, жоспар, сызба, диаграмма.
Жанама көрнекілік жаңа бейнені бұрынғымен салыстырып, ол туралы түсінік қалыптастыру.
Бастауыш мектепте Әр түрлі көрнекілікті қолдану нәтижесінде сабақ түсінікті,қызықты болып өтеді. Көрнекілікті пайдалану арқылы оқушылар белсенділігі артып, көрнекі құралдарды пайдалана отырып, мұғалім жетегімен, оқушылар өздігінен оңай қорытындылар жасай алады
72. Сабақты талдаудың психологиялық-педагогикалық аспектілері Сабақ талдауға ғылыми көзқарас – психологиялық-педагогикалық ғылым мен озық педагогикалық тәжірибеге сүйенеді.
Талдаудың жан-жақтылығы мен тереңдігі – сабақ құрылымындағы кезеңдердің байланыстылығын, дидактикалық қабысуы мен логикалық жүйелілігін ескере отырып бағалау. Жаңа тақырыпты өткен сабақ тақырыбымен байланыстыра қарастыру. Талдау барысында оқу материалдарының меңгерілу дәрежесін, білім сапасының тереңдетілу жағдайын, оқушылардың танымдық дамуын анықтайтын сабақтың басты жақтарына көңіл бөлінеді.
Сабақ талдауының педагогикалық аспектерін төмендегі компоненттер арқылы белгілеуге болады :
• осы сабақтың басқа сабақтардың жүйесіндегі орны;
• сабақ мақсатының дұрыс қойылуы;
• сабақты ұйымдастыру;
• сабақ мазмұны;
• сабақ өткізу әдістері;
• сабақ үстіндегі байланыс;
• оқушылардың сабақта жұмыс істеуі және тәртіптері.
Сабақ талдауының психологиялық аспектерін төмендегі компоненттер арқылы белгілеуге болады:
• оқушылардың назарын басқару;
• Мнемоникалық ерекшеліктерді дамытуды басқару;
• ойлауды дамыту және жүзеге асыру заңдылығын есепке алу.
