Тапсырма № 1. Тақырыбы: Географиялық ғылымдар жүйесін саралау.
Мақсаты: Географиялық ғылымдар, әсіресе физикалық географияның құрылымымен танысу.
Жұмыстың мазмұныны: 1.«Географиялық ғылымдар жүйесі» түсінігіне анықтама беріп,оны біртұтас ұғым сипатында циклограмма түрінде көрсет.
2.Осы циклограммада география ғылымының жекелеген салаларын (физикалық географияның,экономикалық және әлеуметтік географияның, картографияны) көрсету.
3.Циклограммада жүйе шеңберіндегі жүйе түрінде физикалық географияның салаларын көрсет.
4.Бүкіл географиялық ғылымдардың және физикалық географияның жекелеген салаларының зерттеу объектісін айқындап, анықтама бер. Физикалық география немен айналысады, оның зерттеу объектісі не?
5.Төмендегі сұрақтарға жауап бере отырып, «Жалпы жертану» пәнінің географиялық ғылымдар жүйесінде алатын орнын анықта:
а) Неліктен жекелеген табиғи компоненттерді зерттейтін ғылымдар жүйесімен қатар, біртұтас географиялық қабатты зерттейтін «Жалпы жертану» пәні қажет болды?
б) Неліктен физикалық георафия мен климатология, гидрология, топырақтану, геология, биология сияқты ғылымдар бірін-бірі толықтырып, байытып отырады? Осы ғылымдардың кез келгені өздігінше, жеке дами ала ма?
