Эстетикалық талаптар – ксотюм композициясының заңы бойынша әдемі костюм алу мақсатын білдіреді. Мұнда костюмнің ритмикалық құрылымы мен пластикалық сызықтарының материалдың иілгіштігімен, түсінің символикасымен, эмблемасымен үйлесуі қарастырылады.
Экономикалық талаптар – киімге қойылатын жалпы талаптардың ең маңыздысын құрайды. Олар бұйымның қанда й да бір түрінің болу мүмкіндігін анықтайды. Бұйым әзірше сәнді ағымға сәйкес келіп тұрғанда, тұтынушының функционалды және эстетикалық талабын қанағаттандырып тұрғанда, тұтынушы ештеңесін аямай сол бұйымды сатып алады. Бірақ белгілі бір уақыт өткенде, сәнге қойылатын талаптар өзгереді немесе жаңа технологиялық әдістер пайда болады, болмаса бұйымның қызметін жақсартатын жаңа материалдар пайда болады және бұрынғы шыққан бұйымның құны бірден төмен түсіп кетеді (физикалық құны бұрынғысынша қалса да, моральдық құны жойылады).
