Қысқаша түйіндеме
жүктеу/скачать 4,06 Mb.
|
| _____________________________________________________________________________________
Тең білім беру мүмкіндіктері Инклюзивті білім беру барлық балаларды білім беру жүйесіне «қосуды» және оларға оның игілігін пайдаланудың тең мүмкіндіктерін ұсынуды қарастырады7. ҚР «Білім туралы» Заңы инклюзивті білімді барлық білім алушыларға ерекше білім беру қажеттіліктерді және жеке мүмкіндіктерді ескерумен білім беруге тең қолжетімділікті қамтамасыз ететін процесс ретінде анықтайды. Білім алушының тікелей білім алуы мен оның заманауи қоғамда әлеуметтенуін қамтамасыз етуден басқа, орта білімнің негізгі дәргейі адами капиталды өсіру болып табылады. Балаларға сапалы білім беру тең қолжетімділікті ұсыну және оларға өздерінің жеке кедергілерін жеңуге көмектесетін жағдайлар жасауы, ең алдымен, экономикалық тұрғыдан өте маңызды. ЮНЕСКО бастамаларына (Саламанка келісімі) сәйкес мектептегі біліммен физикалық, әлеуметтік, интеллектуалдық, эмоциялық жағдайға және лингвистикалық алғышарттарға қарамастан, барлық балалар қамтылуы керек. Қолжетімділіктегі теңдік - білім беруді әрқайсысына тегін берілетін игілік қана емес, бұл оны қолайлы қолдану және одан пайда табу мүмкіндігі.8 Барлық балаларға сапалы білім берудің қолжетімділігін қамтамасыз ету Қазақстанның білім беру саясатының басымдылығы болып табылады. Бұл тәсіл аз этностар өкілдері болып табылатын балаларға да қолжетімді білім беруді қарастырады. Мемлекет оралман және тілдері аз қолданылатын ұлттар өкілдері болып табылатын балаларды сапалы мектептегі білім берумен барынша қамту үшін іс-шаралар қолданады. 2015 жылы елімізде 12 мыңнан астам оралман-оқушы есептелді. Олардың көп бөлігі Алматы - 4 534 оқушы (38%) және Шығыс Қазақстан облыстарында - 2 330 (19%) шоғырланды. Салыстыру үшін, Солтүстік Қазақстан және Батыс Қазақстан облыстарында бұл санатта небәрі 10 баладан білім алады. Елімізде басқа ұлт өкілдері болып табылатын балаларға туған тілінде білім беру мүмкіндіктерін ұсынуға жағдай жасалады. 2015 жылы балалар өзбек (16), ұйғыр (13) және тәжік (4) тілдерінде білім алатын 33 мектеп жұмыс істеді. Онда 99 371 оқушы білім алды. Мұндай балаларға барынша тілдік қолайлы орта құру керек. Бұл басқа ұлт өкілдері болып табылатын балаларға құрдастарымен тең дәрежеде табысты әлеуметтенуіне ықпал етеді. Денсаулық жағдайына байланысты ерекше қажеттіліктермен балаларға білім беруге ерекше көңіл бөлу керек. 2015 жылы ҚР-да мектеп жасындағы ерекше қажеттіліктермен 95 847 бала есептелді. Олардың ішінде 26 293 (27,4%) бала инклюзивті білім берумен қамтылды, бұл 2014 жылғы көрсеткіштен 0,8% артық. 2015 жылы инклюзивті білім беруге тиісті жағдайлар мектептердің 44,8% жасалды (2.2.11 - сурет). Мұндай мектептер көтеру құрылғылармен, пандустармен, санитарлық бөлмелерде арнайы құрылғылармен, арнайы парталармен, үстелдермен және тұтқалармен жабдықталды. .2.11 - сурет. Инклюзивті білім беруге жағдай жасаған мектептердің үлесі Дереккөз: ҚР БҒМ 2015-2016 оқу жылында жалпы білім беретін мектептерде 612 дефектолог-мұғалім және 710 логопед-мұғалім жұмыс істеді. Мұғалімдерді инклюзивті білім беру саласында жұмыс істеудің өзгешелігіне оқытуға ерекше көңіл бөлінеді. 2015 жылы инклюзивті білім берудің мамандарына арналған біліктілікті арттыру курстарынан 1 276 мұғалім өтті. Олардың 955 «Өрлеу» ҰБАО базасында, 321 мұғалім Ұлттық коррекциялық педагогиканың ғылыми-практикалық орталығы (ҰКПҒПО) базасында біліктілікті арттырды. Орталық арнайы білім беру жүйесінің мұғалімдері мен ұйымдарының қызметін үйлестіреді (арнайы мектептер, оңалту орталықтары, логопункттер және т.б.) (2.2.3-кесте). 2.2.3-кесте. Коррекциялық-білім беру процесі ұйымдарының желісі, бірлік, 2015 жыл
Каталог: storage storage -> ОҚу жылында қазақстан республикасының жалпы орта білім беретін ұйымдарында storage -> 1 апреля Международный день птиц Работа ученицы 11 «б» класса Устарбековой Аиды Руководитель Гайдарова С. М storage -> Конкурс «Ақ жол» новых талантов storage -> Отчет о проведении 1 Республиканского конкурса корейской эстрадной песни storage -> 1 Целевой раздел storage -> Петр ильич чайковский storage -> Тема магнитные свойства вещества storage -> - жүктеу/скачать 4,06 Mb. Достарыңызбен бөлісу:
|