2-жаттығу: (10 минут) Тапсырмада оқушылар ең алдымен кітаптағы мұғалімнің белгілеп берген жеріне дейінгі мәтіннің мазмұнымен танысады. Мұғалім үйде «Зәр шығару мүшелері» тақырыбына дайындап келген оң және теріс пікірлері бар үлестірме тапсырмаларды таратады. Оқушылар оқып болған соң мәтіндегі ақпарат пен мұғалімнің ақпараттарын салыстыра отырып ой-түйін жасайды, оң және теріс жақтарын талқылайды.
3-жаттығу: (10 минут) Бұл жаттығу кезінде мұғалім интерактивті тақта арқылы бейнефильм көрсетіп, оқушылар адамның бүйрегінің және зәр шығару мүшелерінің құрылысынан ақпарат алады, оларды мұғаліммен және өз-өзді талқылайды. Презентациядағы суретпен кітаптағы суретті салыстыра отырып адамның бүйрегінің ішкі құрылысымен танысады.
